جۇڭگو ازاماتتارىن بارىمتالاۋ جانە ءولتىرۋ كۇمانىنا شاتىلعان شى چۇنفاڭدى ەلگە ايداپ اكەلدى 

قوعام حاۋىپسىزدىگى مينيسترلىگى جۋىردا فيليپپينگە قىزمەت گرۋپپاسىن جىبەرىپ، ساقشى ىستەرى جانە زاڭ اتقارۋ جاعىندا سەلبەستىك ورىستەتىپ، ەلىمىزدىڭ فيليپپيندەگى باس ەلشىلىگىنىڭ قولداۋىندا، ەكى ەلدىڭ زاڭ اتقارۋ تاراۋلارى تىعىز سايكەسىپ، كوپ رەتكى بارىمتالاۋ، ادام ءولتىرۋ دەلوسىنا قاتىستى قىلمىس كۇمانىنا شاتىلعان شى چۇنفاڭدى ءساتتى قولعا تۇسىرگەن. 12 – ايدىڭ 22 – كۇنى، فيليپپين ساقشى جاعى شى چۇنفاڭدى ەلىمىز جاققا وتكىزىپ بەرگەن، قوعام حاۋىپسىزدىگى مينيسترلىگى فۋجيان قوعام حاۋىپسىزدىگى ورگاندارىن ونى ەلىمىزگە ايداپ اكەلۋگە ۇيىمداستىرعان.

جۋىرداعى جىلداردان بەرى، شىن چۇنفاڭ اتاماندىعىنداعى قىلمىستىق ۇيىم فيليپپيندە جۇڭگو ازاماتتارىن بارىمتالاۋ، ءولتىرۋ قاتارلى اۋىر قىلمىستاردى ءجيى وتكىزگەن، كوپ رەتكى سۇمدىق دەلوعا شاتىلعان، بۇل دەلولاردىڭ زاردابى وتە اۋىر بولىپ، قوعامدا ەرەكشە ناشار ىقپال تۋدىرعان. جۇڭگو مەن فيلليپپين ەكى ەلدىڭ زاڭ اتقارۋ تاراۋلارى ساقشى ىستەرى جاعىنداعى زاڭ اتقارۋدا سەلبەستىك ورىستەتۋ تەبىنىن كۇشەيتىپ، قاتىستى دەلولاردى ءبىتىرۋ قىزمەتىن كۇش سالا ىلگەرىلەتكەن. جاپالى دا مۇقيات تەكسەرۋ ارقىلى جۋىردا شى چۇنفاڭدى ءساتتى تۇردە قولعا تۇسىرگەن.

قوعام حاۋىپسىزدىگى مينيسترلىگىنىڭ قاتىستى جاۋاپتىسىنىڭ ايتۋىنشا، قوعام حاۋىپسىزدىگى ورگاندارى حالىقارالىق زاڭ اتقارۋ جاعىنداعى سەلبەستىكتى ىشكەرىلەي ىلگەرىلەتىپ، بارىمتالاۋ – بوپسالاۋ، ادام ساۋدالاۋ، ينتەرنەتتەن پايدالانىپ قۇمار ويناۋ جانە الدامكوستىك ىستەۋ قاتارلى مەملەكەت اتتاعان قىلمىستىق ارەكەتتەرگە زاڭ بويىنشا قاتاڭ سوققى بەرىپ، قىلمىستىق ەلەمەنتتەردى باتىل تۇردە زاڭ قۇرىعىنا ءىلىندىرىپ، شەتەلدەگى ەلىمىز ازاماتتارىنىڭ باس اماندىعى مەن زاڭدى ۇقىق – مۇددەسىن شىنايى قورعايدى.

كەلۋ قاينارى: حالىق تورابى