زەلەنسكي: ۋكراينا ناتوعا كىرۋدەن باس تارتپايدى

شينحۋا اگەنتتىگىنىڭ 12 – ايدىڭ 24 - كۇنى باكۋدەن بەرگەن حابارى. كيەۆتىڭ حابارى: ۋكراينانىڭ زۇڭتۇڭى زەلەنسكي 12 – ايدىڭ 24 – كۇنى ۋكراينا جاڭا ۇلگىدەگى 20 ءتۇيىندى ”بەيبىتشىلىك جوسپارىندا“ ورتاعا قويىلعان ۋكراينانىڭ ناتوعا كىرۋ تالابىنان باس تارتۋى دەگەنگە قوسىلمايدى، ۋكراينا ناتوعا كىرۋدەن باس تارتپايدى.

زەلەنسكي سول كۇنى كيەۆتە تىلشىلەردى قابىلداعاندا بىلاي دەپ اتاپ كورسەتتى: رەسەي مەن ۋكراينا قاقتىعىسىن اياقتاتۋ كەلىسىمى ا ق ش، ۋكراينا، ەۆروپا جانە رەسەي اراسىنداعى كەلىسىم، ال ۋكراينانىڭ ناتوعا كىرۋىنە بولاتىن - بولمايتىندىعى ناتوعا مۇشە ەلدەردىڭ ىستەۋگە ءتيىستى تالعامى.

زەلەنسكي بىلاي دەدى: ناتو مەن رەسەي اراسىنداعى وزدەرىنىڭ قاتىناسىنا ساياتىن كەلىسسوزدە ۋكراينانىڭ ناتوعا كىرۋ - كىرمەۋى ماسەلەسى شەشىلمەيدى. ”ولاردىڭ اراسىندا قالاي كەلىسسوز وتكىزۋ ولاردىڭ ءىسى، ءبىراق ءبىز ءوز تالعامىمىزدى جاسادىق، ويتكەنى بۇل ۋكراينانىڭ بولاشاعى جونىنەن توتەنشە ماڭىزدى.“