التاي شۋەدۋ اۋەجايى جاس مال شارۋاشىلىق ونىمدەرىنىڭ ارناۋلى اۆياتسيا لەنياسىن اشتى

تاياۋدا ءبىر توپ رەتتى قاپتالعان التاي قوي ەتى دورباعا سالىنىپ، التاي شۋەدۋ اۋەجايىنان كەزەكشى ۇشاققا تيەلىپ ەلىمىزدىڭ جەر - جەرىنە جونەلتىلدى، بۇل ”قارلى مەكەندەگى مالشى ءانى . تاڭدامالى قوي“ اتتى التاي قويى ارناۋلى اۆياتسيا لەنياسىنىڭ رەسمي ىسكە قوسىلعاندىعىن كورسەتەدى.

التاي ايماعىنىڭ ەرەكشەلىككە يە مال شارۋاشىلىق ءونىمى بولعان التاي قويى ەتى جۇمساق، ساپالى بولۋىمەن اتى ايگىلى. وسى رەتكى جاس مال شارۋاشىلىق ونىمدەرى اۆياتسيا ارناۋلى لەنياسىنىڭ اشىلۋى — تاسىمال ۋاقىتىن بارىنشا قىسقارتىپ، ونىمدەردىڭ اينالىم شىعىنىن ازايتىپ، تۇتىنۋشىلاردىڭ جاڭا سويىلعان التاي قوي ەتىن ءتىپتى دە تەزدەن جەۋىنە مۇمكىندىك جاساپ، جەرگىلىكتى ورىننىڭ ەرەكشە اۋىل شارۋاشىلىق ونىمدەرىنىڭ بۇكىل ەلگە قاراي قادام تاستاۋىنا دەم بەرەدى.

التايدىڭ جەرگىلىكتى مال فەرماسىندا ولشەمدەندىرىپ سويعان سوڭ، تەزدەن توڭازىتىلعان قوي ەتى سۋىق كۇيدە تاسيتىن اۆتوكولىك ارقىلى التاي شۋەدۋ اۋەجايىنىڭ ارناۋلى جۇك تاسىمال رايونىنا جەتكىزىلەدى. كەزەكشى ۇشاق ۇشۋدان 2 ساعات بۇرىن جۇك ۇشاق بولمەسىنىڭ ارناۋلى توڭازىتىپ ساقتاۋ بولمەسىنە جەتكىزىلەدى، كەزەكشى ۇشاق كوزەۋلى جەردەگى قالاعا جەتكەننەن كەيىن، جەرگىلىكتى سۋىق تىزبەكتى زات جەتكىزۋشى ساۋداگەر 2 ساعات ىشىندە زات يەسىنىڭ قولىنا جەتكىزىپ بەرەدى، ”مال فەرماسىنىڭ قامباسىنان شىققان سوڭ جوعارى ءونىمدى جەتكىزۋدى“ جۇزەگە اسىردى.

التاي شۋەدۋ اۋەجايى قازىر بۇكىل ەل بويىنشا زات تاسىمال كاسىبىن اشىپ، جوعارى ءونىمدى تاسىمال، ءتيىمدى باعا ارقىلى جەرگىلىكتى ورىننىڭ ەرەكشە ونىمدەرىنىڭ بۇكىل ەلگە بەت الۋىنا دەم بەرىپ، مىڭداعان شاقىرىم شالعايعا شينجياڭنىڭ تاماعىنىڭ ءدامىنىڭ ءدال ۋاعىندا جەتۋىنە، حوش ءيىسىنىڭ اڭقىپ تۇرۋىنا مۇمكىندىك جاسادى.

كەلۋ قاينارى: حالىق تورابى