وسى اپتادا بۇكىل شينجياڭنىڭ باسىم كوپ بولەگىندە تەمپەراتۋرا كورنەكتى تومەندەمەيدى

12 – ايدىڭ 22 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (12 – ايدىڭ 22 – كۇنىنەن 28 – كۇنىنە دەيىن) بۇكىل شينجياڭنىڭ باسىم كوپ بولەگىندە تەمپەراتۋرا كورنەكتى تومەندەمەيدى، نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى. وڭتۇستىك، سولتۇستىك شينجياڭنىڭ ءىشىنارا وڭىرلەرىندە ارت - ارتىنان قار جاۋىپ، تۇمان تۇسەدى جانە بوران سوعادى، قالىڭ تۇمان مەن جولعا مۇز قاتۋ قاتىناس پەن ءجۇرىس – تۇرىسقا، قالا اينالىمىنا ءتيىمسىز ىقپال جاسايدى. 12 – ايدىڭ 22 – كۇنى، شينجياڭ اۋا رايى ستانسياسى جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن، تۇمان تۇسۋدەن ساقتانۋدىڭ سارى ءتۇستى ساقتىق سيگنالىن ارت – ارتىنان جاريالاپ، قاتىستى تاراۋلاردىڭ ساقتانۋدى ويداعىداي ىستەۋىن ەسكەرتتى.

الدىن الا مالىمەتتە كورسەتىلۋىنشە، 12 – ايدىڭ 22 – كۇنى كۇندىزدەن 24 – كۇنىنە دەيىن وڭتۇستىك شينجياڭ مەن شىعىس شينجياڭنىڭ ءىشىنارا وڭىرلەرىندە قىرباق قار جاۋادى، مۇنىڭ ىشىندە قاشقار ايماعى، قىزىلسۋ قىرعىز اۆتونوميالى وبلىسىنىڭ تاۋلى ءوڭىرى، حوتان ايماعىنىڭ تاۋلى ءوڭىرى، اقسۋ ايماعىنىڭ سولتۇستىك تاۋلى ءوڭىرى، بايىنعولىن موڭعۇل اۆتونوميالى وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، قاشقار ايماعىنىڭ وڭتۇستىك بولەگىندەگى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى، جەل وتتەرىندە باتىس سولتۇستىكتەن 7 دە 8 بال بوران سوعادى، مەزەتتىك وتكىنشى جەل كۇشى 10 دا 11 بال بولادى. 12 – ايدىڭ 23 – كۇنىنەن 26 - كۇنىنە دەيىن ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعى، قارامايلى قالاسى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە تۇماندى (قار) اۋا رايى تولاسسىز تۋىلادى. 12 – ايدىڭ 27 – كۇنىنىڭ الدى ـ ارتىندا سولتۇستىك شينجياڭنىڭ سولتۇستىگىندە ءبىر رەت قار جاۋىپ، تەمپەراتۋرا تومەندەيدى. قالعان ۋاقىتتا، بۇكىل شينجياڭدا نەگىزىنەن كۇن اشىق نەمەسە بۇلتتى بولادى.

ءۇرىمجى رايونىندا وسى اپتادا كورنەكتى جاۋىن - شاشىن بولمايدى، نەگىزىنەن كۇن اشىق نەمەسە بۇلتتى بولادى. قالا رايونىنىڭ تەمپەراتۋراسى نولدەن تومەن 13 تە نولدەن تومەن 10 سەلتسي گرادۋس اينالاسىندا بولادى، ەڭ جوعارى تەمپەراتۋراسى نولدەن تومەن 8 دە نولدەن تومەن 2 سەلتسي گرادۋس اينالاسىندا بولادى. نازار اۋدارۋعا تاتيتىنى، بەيسەنبى كۇنى تۇننەن جۇما كۇنى تۇنگە دەيىن، ۇلانبايدان حۇڭيانچى وڭىرىنە دەيىن شىعىس وڭتۇستىكتەن 9 بال اينالاسىندا بوران سوعادى، وڭتۇستىك قالا ماڭىنان ساياپىل وڭىرىنە دەيىن 7 بال شاماسىندا وتكىنشى جەل سوعادى.

كەلۋ قاينارى: حالىق تورابى