بيرما ساقشى جاعى 57 كيلوگرامنان استام حەرويندى قولعا ءتۇسىردى

شينحۋا اگەنتتىگىنىڭ 12 - ايدىڭ 17 – كۇنى ياڭگۋاڭنان بەرگەن حابارى. بيرمانىڭ ۇكىمەت گازەتى«بيرما شۇعىلاسىنىڭ» 12 - ايدىڭ 17 - كۇنگى حابارىنا قاراعاندا، بيرما ساقشى جاعى تاياۋدا شيجيە ولكەسىندە 57 كيلوگرامنان استام حەروين مەن 5 ميلليون 70 مىڭ تال قوزدىرعىش ءدارىنى قولعا تۇسىرگەن.

حاباردا بىلاي دەلىنگەن: ەسىرتكى تەكسەرۋ ساقشىلارى تاياۋدا شيجيە ولكەسى شيجيە قالاشىعىنداعى ءبىر ۇيگە شۇعىل ءتىنۋ جۇرگىزگەندە 18.3 كيلوگرام حروين، سونداي – اق ەكى قىلمىس كۇماندىسىن قولعا تۇسىرگەن. ساقشى جاق وسى قالاشىقتى ىشكەرىلەي ءتىنتۋ بارىسىندا تاعى دا 396 كيلوگرام حەروين جانە 5 ميلليون 70 مىڭ تال قوزدىرعىش ءدارىنى قولعا تۇسىرگەن، بۇدان سىرت 4 قىلمىس كۇماندىسىن قولعا العان.

حابارعا قاراعاندا، ەسىرتكى الىپساتارلارى بۇل ەسىرتكىنى شىجيە ولكەسى ارقىلى ماندلەر ولكەسىنە جوتكەمەكشى بولعان. قاتىستى تاراۋلار قىلمىس كۇماندىسىنا زاڭ بويىنشا ارىز بەردى ءارى دەلو جونىندە ىشكەرىلەي تەكسەرۋ جۇرگىزۋدە.

كەلۋ قاينارى: حالىق تورابى