شينجياڭ استىقتىڭ بىرلىك ءونىمى جاعىندا تاعى دا ەلىمىز بويىنشا ءبىرىنشى ورىندا بولدى 

انار بۇلتى / شينجياڭ گازەتىنىڭ حابارى (ءتىلشى ليۋ ي) ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى جانە اۋىل ـ قىستاق مەڭگەرمەسىنەن ۇعىسۋىنشا: 2025 ـ جىلى شينجياڭدا استىقتىڭ جالپى ءونىم مولشەرى تاعى دا جوعارىلاعان، تۇتاس جىلداعى استىقتىڭ ءونىم مولشەرى 24 ميلليون 323 مىڭ تونناعا جەتىپ، بىلتىرعىمەن سالىستىرعاندا ءبىر ميلليون 21 مىڭ توننا ارتىپ، بۇكىل ەلىمىز بويىنشا 13 ـ ورىندى جالعاستى ساقتاعان. استىقتىڭ بىرلىك ءونىمىنىڭ مولشەرى مۋ باسىنا 552.8 كيلوگرامعا جەتىپ، بىلتىرعىمەن سالىستىرعاندا مۋ باسىنا 28 كيلوگرام ارتىپ، بىلتىرعى بۇكىل ەلىمىز بويىنشا 1 ـ ورىنعا كوتەرىلگەننەن كەيىنگى رەكوردتى جالعاستى ساقتاعان.

بيىل جىل باسىنان بەرى، شينجياڭ استىق ءوندىرىسى قۋاتىن جوعارىلاتۋدىڭ جاڭا كەزەكتى ارەكەتىن ىشكەرىلەي اتقارىپ، «اۆتونوميالى رايون كولەمىندە اسىپ قالعان استىقپەن مەملەكەتتى قامداۋ» سىندى استىق ءوندىرىسى باعىتىن تياناقتاندىرىپ، استىق وندىرىسىندەگى نەگىزگى تۇلعالاردىڭ جاۋاپكەرشىلىگىن كۇشەيتۋ، ساياساتتىق قاراجاتپەن قولداۋ كورسەتۋ تەبىنىن ارتتىرۋ، ، شەشۋشى تەحنولوگيالاردى ۇشتاستىرىپ جالپىلاستىرۋدى كورنەكتىلەندىرۋ قاتارلى شارالار ارقىلى استىق ءوندىرىسى جاعىنداعى جالپىلىق قۋاتىن ۇزدىكسىز جوعارىلاتقان.

كەلۋ قاينارى: حالىق تورابى