شينجياڭدا 6 تاراۋ بالالار مەن وقۋشىلار قولداناتىن بۇيىمداردىڭ حاۋىپسىزدىگىن قورعاۋعا ساياتىن ءۇش جىلدىق ارەكەتتى باستادى 

تيانشان تورى – شينجياڭ گازەتىنىڭ ءتىلشىسى سو رۇڭجى حابارلايدى. بالالاردىڭ وقۋ قۇرالدارى تولىمدى ما؟ ويىنشىقتاردا كومەسكى حاۋىپ – قاتەر بار ما؟ مەكتەپ كيىمى حاۋىپسىز دە جايلى ما؟ بالالاردىڭ اقاۋسىز ەسەيىپ - ەرجەتۋىنە ساياتىن وسى ماسەلەلەر باستان - اياق اتا - انالاردىڭ نازارىن اۋدارىپ كەلەدى. جۋىردا شينجياڭ ۇيعۇر اۆتونوميالى رايوندىق بازار باقىلاۋ - باسقارۋ مەكەمەسى، وقۋ - اعارتۋ مەڭگەرمەسى، ونەركاسىپ جانە ينفورماتسيالاندىرۋ مەڭگەرمەسى، ايەلدەر جانە بالالار قىزمەتى كوميتەتى قاتارلى 6 تاراۋ بىرگە «اۆتونوميالى رايوننىڭ بالالار مەن وقۋشىلار قولداناتىن بۇيىمداردىڭ حاۋىپسىزدىگىن قورعاۋ جونىندەگى 3 جىلدىق ارەكەتتى اتقارۋ جوباسىن» (2025 — 2027 – جىلدار ارالىعىندا) (تومەندە قىسقارتىلىپ «جوبا» دەلىنەدى) باسىپ تاراتتى ءارى «بالالار مەن وقۋشىلار پايدالاناتىن باستى بۇيىمداردى ناق مايداندا تەكسەرۋ قىزمەتىنىڭ باعدارلاماسىن» باسىپ تاراتتى، بۇل ”ۇيرەنۋ، ويناۋ، كيىم كيۋ، كەرەك – جاراقتان پايدالانۋ، ءجۇرىس - تۇرىس“ قاتارلى جالپى بارىستى قامتيتىن حاۋىپسىزدىكتى قورعاۋ ارەكەتىنىڭ باستالعاندىعىن بىلدىرەدى. بۇل رەتكى ارەكەت بارىسىندا بۇكىل تىزبەك بويىنشا باقىلاۋ - باسقارۋ جۇرگىزۋ، كوپ ءتۇرلى جاقتاردان كۇش سالۋ ارقىلى بۇكىل اۆتونوميالى رايونداعى بالالار مەن وقۋشىلار پايدالاناتىن بۇيىمداردىڭ حاۋىپسىزدىگىنە قورعانىس قالقانىن ازىرلەيدى.

كەلۋ قاينارى: حالىق تورابى