جۇڭگونىڭ انگليادا تۇراتىن باس ەلشىلىگى انگليا جاقتىڭ جۇڭگونىڭ كاسىپورىندارىنا جازالاۋ شارالارىن اتقارعانى جونىندە تىلشىلەردىڭ سۇراۋىنا جاۋاپ قايتاردى 

ورتالىق تەلەۆيزيا تورابىنىڭ حابارى: 12 – ايدىڭ 9 – كۇنى، جۇڭگونىڭ انگليادا تۇراتىن باس ەلشىلىگىنىڭ مالىمدەمەشىسى انگليانىڭ جۇڭگونىڭ كاسىپورىندارىنا جازالاۋ شارالارىن اتقارعانى جونىندە تىلشىلەردىڭ سۇراۋىنا جاۋاپ قايتارعان.

ءتىلشى: 12 – ايدىڭ 9 – كۇنى، انگليا ۇكىمەتى جۇڭگونىڭ ەكى سەرىكتەستىگىنە جازالاۋ شارالارىن اتقاراتىنىن جاريالاپ، اتالعان ەكى سەرىكتەستىك انگليا مەن ونىڭ وداقتاستارىنا ينتەرنەتتىك شابۋىل جاسادى ءارى ولاردىڭ ارەكەتى جۇڭگو ۇكىمەتىمەن قاتىستى دەگەن. ءسىز بۇل جونىندە قانداي پىكىر بىلدىرەسىز؟

ەلشىلىكتىڭ مالىمدەمەشىسى: انگليا مەن ا ق ش استاسىپ باسقالارعا قاستىق ىستەپ، جۇڭگوعا قاساقانا جالا جاپتى ءارى جۇڭگونىڭ ناقتى تۇلعالارىنا سىڭار جاقتىلى زاڭسىز جازالاۋ شارالارىن قولداندى، مۇنىڭ سيپاتى وتە ناشار. جۇڭگو جاق بۇعان باتىل قارسى تۇرادى ءارى انگليا جاقپەن قاتاڭ سويلەستى.

جۇڭگو جاق ەجەلدەن بەرى ءتۇرلى فورماداعى ينتەرنەتتىك قاستاندىق ارەكەتىنە زاڭ بويىنشا سوققى بەرىپ كەلەدى. سونىمەن بىرگە، ءبىز ينتەرنەت حاۋىپسىزدىگى ماسەلەسىن ساياسيلاندىرۋعا باتىل قارسى تۇرامىز، ءىس جۇزىندىك فاكت جوق بولا تۇرا باسقا مەملەكەتتەردى قيسىنسىز جازعىرۋعا قارسى تۇرامىز.

جۇڭگو جاق انگليا جاقتى قاتە شارالارىن دەرەۋ توقتاتۋعا، جۇڭگو كاسىپورىندارىن جازالاۋ شارالارىن كۇشىنەن قالدىرۋعا، جۇڭگوعا پالە جاۋىپ، كۇيە جاعۋىن توقتاتۋعا قۋزايدى. جۇڭگو جاق ءوزىنىڭ زاڭدى ۇقىق – مۇددەسىن قورعاۋ ءۇشىن قاجەتتى شارالاردى قولدانادى.

كەلۋ قاينارى: حالىق تورابى