جۇڭگو تۇتىنۋشىلار قوعامى ”تيىمدىلىك جاساۋ شىرعاسىنان“ ساق بولۋدى ەسكەرتتى

جۇمىسشىلار گازەتىنىڭ ءتىلشىسى ياڭ جاۋكۇي حابارلايدى. ”قوس 12“ زات ساتىپ الۋ قاۋىرت مەرزىمى تاياپ قالدى، ءتۇرلى وتىمدىلەندىرۋ قيمىلدارى ءجيى ۇيىمداستىرىلادى. تۇتىنۋشىلاردىڭ زاڭدى ۇقىق – مۇددەسىن قورعاۋ، عىلىمي، بايسالدى تۇتىنۋعا ءجون سىلتەۋ ءۇشىن، جۇڭگو تۇتىنۋشىلار بىرلەستىگى مەن جۇڭگو بازاردى باقىلاۋ – باسقارۋ قوعامى جۋىردا تۇتىنۋشىلارعا ەسكەرتۋ جاريالاپ، تۇتىنۋشىلارعا ”تيىمدىلىك جاساۋ شىرعاسىنان“ ساق بولۋدى ەسكەرتتى.

ەكى بىرلەستىك مىنانى اتاپ كورسەتتى: ءبىر ءبولىم تيجاراتشىلار وتىمدىلەندىرۋدەن بۇرىن تاۋاردىڭ باعاسىن جوعارىلاتىپ، ونان سوڭ قايتادان باعاسىن ارزانداتۋ، تيىمدىلىك جاساۋ دەگەن جەلەۋمەن باعاسى كۇرت تومەندەگەندەي جالعان بەينە قالىپتاستىرادى، ءىس جۇزىندە، زاتتىڭ باعاسى جاي كۇندەردەگىدەن دە جوعارى بولادى. تۇتىنۋشىلار ءوزى ساتىپ الماقشى بولعان زاتتىڭ باعاسىنداعى وزگەرىسكە ەرتەرەك نازار سالىپ، باعانى سالىستىرۋ قۇرالى ارقىلى نەمەسە ءتۇرلى تەكشەلەردى اشىپ كورىپ سالىستىرۋ ارقىلى زاتتىڭ ناقتى باعاسىن راستاعانى ءجون. اتالمىش ”تومەن باعا“ دەپ ۇگىتتەگەنگە سەنە كەتپەگەنى ءجون، باعاسىنداعى وزگەرىس قالىپسىز بولعان، قىسقا مەرزىم ىشىندە كۇرت قىمباتتاعان سوڭ قايتادان باعاسى ارزانداتىلعان تاۋارلاردى بايقاعاندا، قىراعىلىقتى ارتتىرعان ءجون.

سونىمەن بىرگە، ءىشىنارا وتىمدىلەندىرۋ قيمىلدارىنىڭ ەرەجەسى كۇردەلى جوبالانادى، تۇتىنۋشىلار بىرنەشە زاتتى قوسىپ الۋ، باعاسى تولعاندا ارزانداتۋ، كوپ ءتۇرلى تيىمدىلىك بەلەتتەرىن الۋ قاتارلى كۇردەلى باسقىشتاردى ورىنداۋ بارىسىندا ولاردىڭ زەيىن – زەردەسى زايا بولۋمەن بىرگە، وڭاي قاتەلىك تۋىلادى، ەڭ سوڭىندا ەشقانداي ناقتى تيىمدىلىككە قول جەتكىزە الماۋى مۇمكىن. تۇتىنۋشىلار تەكشەلەر مەن ساۋدا دۇكەندەرىنىڭ زاتتى وتىمدىلەندىرۋ تۋرالى ەرەجەلەرىن مۇقيات وقۋى، پايدالانۋ شارتى، شەكتى مەرزىمى، قولدانىلاتىن كولەمى قاتارلىلاردى تولىق ۇعىسۋى كەرەك. ەگەر قيمىل ەرەجەسى وتە كۇردەلى بولسا، قاتىناسۋ – قاتىناسپاۋدى مۇقيات ويلاستىرعان ءجون، مۇمكىندىگىنشە، قيمىل ەرەجەسى قاراپايىم، باعاسى ايقىن تاۋارلاردى ساتىپ العان ابزال.

كەلۋ قاينارى: حالىق تورابى