اۆتوموبيل قاتىنادى! شينجياڭداعى 3 ورىن جوعارى دارەجەلى تاس جول بولماۋ تاريحىن اياقتاتتى 

12 – ايدىڭ 6 – كۇنى ساعات 10 دا شايار اقى الۋ بەكەتىنەن العاش رەت اۆتوموبيل ءوتتى، بۇل G217 كۇشار – شايار تاس جولىندا، سونداي – اق، G219 جەلىسى اقسۋ (ونسۋ) – ءۇشتۇرپان – اقشي تاس جولىندا اۆتوموبيل قاتىناعانىن كورسەتەدى. وسىمەن، اقسۋ ايماعى مەن قىزىلسۋ قىرعىز اۆتونوميالى وبلىسى اۋدانداردىڭ بارلىعىنا جوعارى قارقىندى (ءبىرىنشى دارەجەلى) تاس جول تۇتاستىرۋ مىندەتىن ورىندادى.

سول كۇنى تۇستەن بۇرىن، كۇشار – شايار تاس جولىندا اۆتوموبيل قاتىنايتىن ۋاقىت ءالى بولماسا دا، شايار اۋدانىنداعى اقى الۋ بەكەتىنىڭ سىرتىندا اۆتوموبيلدەر وشىرەتكە تۇرىپ، تاس جولدىڭ اشىلۋىن كۇتتى.

شايار اۋدانى شايار قالاشىعىنىڭ تۇرعىنى ەركىن وسمان اپتا سايىن كورلا قالاسىنا اۆتوموبيلمەن بارىپ فينانس سالاسىنا قاتىستى جۇمىس بىتىرەتىن، جول بويى ۇنەمى كەپتەلىسكە ۇشىرايتىن جاعداي ونىڭ باسىن قاتىراتىن. ”بۇرىن جول جاعدايى جاقسى ەمەس بولاتىن، اۆتوموبيل دە كوپ ەدى، ءبىر بارىپ - كەلگەنشە كەمىندە ءبىر جارىم ساعات ۋاقىت كەتەتىن، قازىر جاقسى بولدى، جول ىركىلىسسىز، اۆتوموبيلمەن كۇشارعا بارىپ كەلۋ ءارى تەز ءار قولايلى بولدى“ دەيدى ول.

كەلۋ قاينارى: حالىق تورابى