سىرتقى ىستەر مينيسترلىگى: ا ق ش – ىن تايۋان ماسەلەسىن ابايلاپ ءبىر جاقتى ەتۋگە قۋزايمىز

شينحۋا اگەنتتىگىنىڭ 12 – ايدىڭ 3 – كۇنى بەيجيڭنەن بەرگەن حابارى. ا ق ش زۇڭتۇڭى ترامپتىڭ جۋىردا ءبىر زاڭعا قول قويىپ، ا ق ش مەملەكەتتىك كەڭەسىنىڭ ا ق ش پەن تايۋان قاتىناسىن مەرزىمدى باعالاۋدى ءارى وسى قاتىناستى تەرەڭدەتۋدىڭ شارالارىن قاراستىرۋىن تالاپ ەتۋىنە قاراتا، سىرتقى ىستەر مينيسترلىگىنىڭ مالىمدەمەشىسى لين جيان 12 – ايدىڭ 3 - كۇنى كەزەكتى تىلشىلەر جينالىسىندا بىلاي دەدى: جۇڭگو ا ق ش - نىڭ جۇڭگونىڭ تايۋان رايونىمەن ءارقانداي فورماداعى رەسمي بارىس - كەلىس جاساۋىنا باتىل قارسى تۇرادى، ا ق ش - ىن تايۋان ماسەلەسىن ابايلاپ ءبىر جاقتى ەتۋگە، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە ەشقانداي قاتە سيگنال بەرمەۋگە قۋزايدى.

”جۇڭگو ا ق ش – نىڭ جۇڭگونىڭ تايۋان رايونىمەن ءارقانداي فورماداعى رەسمي بارىس – كەلىس جاساۋىنا باتىل قارسى تۇرادى، بۇل تۇرعىسى دايەكتى، ايقىن“ دەدى لين جيان.

”تايۋان ماسەلەسى — جۇڭگونىڭ وزەكتى مۇددەسىنىڭ وزەگى، جۇڭگو - ا ق ش قاتىناسىنىڭ ءبىرىنشى اتتاپ وتۋگە بولمايتىن قىزىل سىزىعى. ءبىر جۇڭگو پرينسيبى — جۇڭگو - ا ق ش قاتىناسىنىڭ ساياسي نەگىزى.“ ول بىلاي دەدى: ا ق ش ۇكىمەتى جۇڭگو مەن ا ق ش - نىڭ ديپلوماتيالىق قاتىناس ورناتۋ مازمۇنداماسىندا: ”امەريكا قۇراما شتاتتارى جۇڭحۋا حالىق رەسپۋبليكاسى ۇكىمەتىنىڭ جۇڭگونىڭ بىردەن - ءبىر زاڭدى ۇكىمەتى ەكەندىگىن مويىندايدى. وسى كولەم ىشىندە ا ق ش حالقى تايۋان حالقىمەن مادەنيەت، ساۋدا ىستەرى جانە باسقا دا ۇكىمەتتىك ەمەس قاتىناسىن ساقتايدى.“ ”جۇڭگو ا ق ش – ىن ءبىر جۇڭگو پرينسيبى مەن جۇڭگو – ا ق ش ءۇش بىرلەسكەن مازمۇنداماسىنا شىن مانىندە بويسۇنىپ، تايۋان ماسەلەسىن بايىپتىلىقپەن ءبىر جاقتى ەتىپ، ا ق ش پەن تايۋاننىڭ رەسمي بارىس – كەلىسىن توقتاتىپ، 'تايۋاندى دەربەستەندىرۋدى' كوزدەيتىن بولشەكتەۋشى كۇشتەرگە ءارقانداي قاتە سيگنال بەرمەۋگە قۋزايدى.“

كەلۋ قاينارى: حالىق تورابى