بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.12.03 16:02 كەلۋ قاينارى : حالىق تورابى
«حالىق گازەتى»، 12 - ايدىڭ 2 - كۇنى، بەيجيڭ (ءتىلشى ۋەي جىجى). ەڭ جوعارى حالىق سوتى مەكەمەسى جاريالاعان ەڭ جاڭا ساندى مالىمەتتە كورسەتىلۋىنشە، بيىل الدىڭعى 3 توقساندا بۇكىل ەلدەگى سوت مەكەمەلەرى ءار تۇردەگى 32 ميلليون 257 مىڭ سوت جۇرگىزۋ، اتقارۋ دەلوسىن قابىلداعان؛ 9 - ايدىڭ سوڭىنا دەيىن بۇكىل ەلدەگى سوت مەكەمەلەرىنىڭ 2 جىلدان استام ۋاقىت اياقتالماعان ارىز - شاعىم دەلولارىنىڭ سانى سايكەس مەزگىلدەگىدەن %28.08 تومەندەپ، ۇزاق ۋاقىت اياقتالماعان ارىز - شاعىم دەلولارىن اداقتاۋ قىزمەتىنىڭ ونىمدىلىگى ۇزدىكسىز ساپالىلانىپ، حالىق بۇقاراسىنىڭ ءادىليالىق رازىلىق دارەجەسى مەن تابىس سەزىمى ءونىمدى جوعارىلاعان.
تانىستىرۋعا قاراعاندا، حالىق سوت مەكەمەسىنىڭ داۋ - شاردى ماندىك شەشۋ ونىمدىلىگى ۇزدىكسىز كۇشەيىپ، شاعىم ارىز بەرۋ شاماسى سايكەس مەزگىلدەگىدەن 0.96 پايىز تومەندەگەن، ارىز - شاعىم ءوتىنىشىن قايتا قاراۋ شاماسى سايكەس مەزگىلدەگىدەن 0.29 پايىز تومەندەگەن.
الدىڭعى 3 توقساندا بۇكىل ەلدەگى سوت مەكەمەلەرى الدىمەن جاراستىرعان دەلو 4 ميلليون 782 مىڭ بولىپ، 3 ميلليون 128 مىڭ دەلونى جاراستىرۋ ءساتتى بولعان، الدىمەن جاراستىرىلعان دەلولاردىڭ سانى كورنەكتى ارتىپ، الدىمەن جاراستىرۋدا ءساتتى بولعان دەلولاردىڭ وزدىگىنەن اتقارىلۋ شاماسى %90 تەن اسقان، الدىڭعى جاقتاعى داۋ - شاردى شەشۋ ومىرشەڭدىك كۇشى مەن ونىمدىلىگى ۇزدىكسىز جارىققا شىققان. ەڭ جوعارى حالىق سوت مەكەمەسى توراپتا تولتىرۋ سياقتى زەردەلى قوسىمشا فۋنكتسيالاردى ۇزدىكسىز كەمەلدەندىرىپ، حالىق بۇقاراسىنىڭ ارىز - شاعىم بەرۋىنە اناعۇرلىم قولايلىلىق جاراتقان.
ساندى مالىمەتتە كورسەتىلۋىنشە، الدىڭعى 3 توقساندا حالىق سوت مەكەمەسى قابىلداعان قىلمىستىق ىستەر ءبىرىنشى سوت دەلوسى 804 مىڭ بولىپ، سايكەس مەزگىلدەگىدەن %11.61 تومەندەگەن، كۇشكە يە ۇكىم شىعارىلعان جاۋاپكەر ءبىر ميلليون 48 مىڭ ادام بولىپ، سايكەس مەزگىلدەگىدەن %10.22 تومەندەگەن.
الدىڭعى 3 توقساندا ىسكە قاتىستى ادامداردىڭ سوتتا جەڭىپ شىعىپ ۇقىق - مۇددەسىنىڭ جۇزەگە اسىرۋىن بەينەلەيتىن اتقارۋدىڭ اياقتاۋ شاماسى مەن اتقارۋدىڭ ورىندالۋ شاماسى جەكە - جەكە %39.54 جانە %51.35 بولعان.
بۇدان سىرت، ءتىلشىنىڭ ۇعىسۋىنا قاراعاندا، بيىل 11 - ايدىڭ 10 - كۇنىنە دەيىن بۇكىل ەلدەگى سوت مەكەمەلەرى جاڭادان ءبىر ميلليون 897 مىڭ ادامدى (رەت) سەنىمسىزدىك تىزىمدىگىنە ەنگىزىپ، بۇل سايكەس مەزگىلدەگىدەن %3.46 تومەندەگەن؛ 2 ميلليون 229 مىڭ ادام (رەت) سەنىمدىلىگىن قالپىنا كەلتىرۋ ارقىلى بازارعا قايتا ورالعان.
كەلۋ قاينارى: حالىق تورابى
