وسى اپتاداعى شينجياڭنىڭ اۋا رايىنان مالىمەتتى كورىڭىزدەر

ءتىلشىنىڭ 12 - ايدىڭ 1 - كۇنى شينجياڭ اۋا رايى ستانسياسىنان ۇعىسۋىنشا، وسى اپتادا (12 – ايدىڭ 1 – كۇنىنەن 7 – كۇنىنە دەيىن) الدىمەن ءۇرتىس تۇمان ءتۇسىپ، قار جاۋادى، اپتا سوڭىندا ءبىر رەت از مولشەردە جاۋىن – شاشىن بولادى، بۇكىل شينجياڭنىڭ اۋا رايى ”تۇمان تۇسۋدەن“ ”تەمپەراتۋرانىڭ تومەندەۋىنە“ قاراي بۇرىلىس جاسايدى. شينجياڭ اۋا رايى ستانسياسى جۇرتشىلىققا ساپارعا شىققاندا قاتىناس حاۋىپسىزدىگىنە جانە سۋىقتان ساقتانۋعا، جىلۋ ساقتاۋعا ەرەكشە كوڭىل ءبولۋدى ەسكەرتتى.

الدىن الا مالىمەتتە كورسەتىلۋىنشە، 12 ـ ايدىڭ 2 ـ كۇنىنەن 4 ـ كۇنىنە دەيىن، سولتۇستىك شينجياڭ جانە بايىنعولىن موڭعۇل اۆتونوميالى وبلىسىنىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە ۇزدىك ـ سوزدىق تۇمان تۇسەدى نەمەسە كۇن بۇلتتى بولىپ، قار جاۋادى، كورۋ دارەجەسى ءبىرشاما تومەن بولىپ، قاتىناس ـ تاسىمال مەن قۇرىلعىلى اۋىل شارۋاشىلىعىنا ءتيىمسىز ىقپال جاسايدى. 12 – ايدىڭ 4 – كۇنىنەن 7 – كۇنىنە دەيىنگى ارالىقتا اۋا رايىندا ەرەكشە ۇلكەن وزگەرىس بولادى، سولتۇستىكتەن وڭتۇستىككە قاراي ازىراق جاۋىن – شاشىن بولادى. سولتۇستىك شينجياڭنىڭ باتىس سولتۇستىك بولەگى، ءۇرىمجى قالاسى، سانجى حۇيزۋ اۆتونوميالى وبلىسى، قۇمىل قالاسىنىڭ سولتۇستىگى جانە وڭتۇستىك شينجياڭنىڭ باتىسىنداعى تاۋلى وڭىرلەر قاتارلى جەرلەردىڭ ءىشنارا وڭىرلەرىندە قىرباق قار جاۋادى، مۇنىڭ ىشىندە التاي، ىلە اڭعارىنىڭ شىعىس بولەگىندەگى تاۋلى وڭىرلەر، سانجى وبلىسىنىڭ شىعىس بولەگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى. جاۋىن - شاشىنعا ىلەسە، سولتۇستىك شينجياڭنىڭ سولتۇستىك بولەگىندە، شىعىس شينجياڭدا باتىس سولتۇستىكتەن 4 تە 5 بال جەل سوعادى، جەل وتتەرىندە جەل كۇشتى بولادى، مەزەتتىك وتكىنشى جەل 9 دا 10 بالعا جەتەدى، اۋا تەمپەراتۋراسى وسىعان ىلەسە تومەندەيدى.

ءۇرىمجى قالاسىندا سەيسەنبى كۇنى (12 – ايدىڭ 2 – كۇنى) كەي جەرلەردە شىعىس وڭتۇستىكتەن ءبىرشاما كۇشتى مەزەتتىك جەل سوعادى، وسى اپتادا باسقا ۋاقىتتاردا نەگىزىنەن كۇن اشىق نەمەسە بۇلتتى بولادى، دەسە دە تاڭەرتەڭ وڭاي تۇمان تۇسەدى. وسى اپتادا اۋا تەمپەراتۋراسى ءبىرشاما تومەن بولادى، قالا رايونىنىڭ جوعارى تەمپەراتۋراسى نولدەن تومەن 6 دا 0 سەلتسي گرادۋس اينالاسىندا بولادى. ەڭ تومەنگى تەمپەراتۋرا نولدەن تومەن 10 دا نولدەن تومەن 6 سەلتسي گرادۋس اينالاسىندا بولادى.

شينجياڭ اۋا رايى ستانسياسى مىنانى ەسكەرتتى: وسى اپتادا اۋا رايى بارىسى كۇردەلى بولادى، اپتانىڭ باسىندا كورۋ ارالىعى تومەندەپ، تۇمان تۇسەدى جانە اپتا سوڭىندا قارلى بوران قاباتتاسىپ، جول تايعاق بولادى، بۇل قاتىناس حاۋىپسىزدىگىنىڭ باستى قاتەرى سانالادى. بۇقارانىڭ ەڭ جاڭا الدىن الا مالىمەتكە نازار اۋدارىپ، ءجۇرىس - تۇرىستى ۇيلەسىمدى ورنالاستىرىپ، شوفەرلەردىڭ ابايلاپ، باياۋ ءجۇرۋىن ۇسىنىس ەتەمىز. بۇدان سىرت، قاتىستى تاراۋلار دا ءتيىمدى ورايدى مىقتى يگەرىپ، جاساندى جولمەن جاۋىندى (قاردى) كوبەيتۋ جۇمىسىن ورىستەتۋ كەرەك.

كەلۋ قاينارى: حالىق تورابى