سريلانكانىڭ زۇڭتۇڭى بۇكىل ەلدىڭ الەۋمەتتىك شۇعىل جاعدايعا وتكەندىگىن جاريالادى

شينحۋا اگەنتتىگىنىڭ 11 – ايدىڭ 29 – كۇنى كولومبودان بەرگەن حابارى. سريلانكانىڭ زۇڭتۇڭى ديساناياك 11 – ايدىڭ 29 – كۇنى مىنانى جاريالادى: بۇكىل ەلدىڭ كوپ جەرىندە ءۇرتىس بىرنەشە كۇن سۇركەيلى اۋا رايى بولعاندىقتان سريلانكا 11 – ايدىڭ 28 – كۇنىنەن باستاپ الەۋمەتتىك شۇعىل جاعدايعا ءوتتى.

سريلانكا ۇكىمەتى جاريالاعان اقپاراتتىق حابارلاندىرۋدا بىلاي دەلىنگەن: الەۋمەتتىك شۇعىل جاعدايدى اتقارۋ الەۋمەتتىك حاۋىپسىزدىكتى قورعاۋ، بۇكىل ەلدىڭ ءتارتىبىن ساقتاۋ ءارى اپاتتان كەيىنگى قۇتقارۋ قىزمەتىن ونان ارى ىلگەرىلەتۋ ءۇشىن بولىپ تابىلادى.

ىستىق بەلدەۋ اۋا ءيىرىمى ”ديتۆانىڭ“ اسەرىنە ۇشىراعاندىقتان، ۇدايى جاۋعان نوسەردەن سيرلانكانىڭ كوپ جەرىندە سەل ءجۇرۋ، تاۋ كوشكىنى ءتۇسۋ قاتارلى اپاتتار ءجۇز بەرگەن. سريلانكا اپات باسقارۋ ورتالىعىنىڭ حابارلاندىرۋىنا نەگىزدەلگەندە، 11 – ايدىڭ 29 - كۇنى تۇسكە دەيىن، سۇركەيلى اۋا رايى سەبەبىنەن بۇكىل ەلدە 123 ادام قازا بولىپ، 130 ادام ءىز – توزسىز كەتكەن، 370 مىڭنان استام ادام اپاتقا ۇشىراعان.

سريلانكا اۋا رايى تاراۋى بىلاي دەدى: ”ديتۆا“ سريلانكادان الىستاپ، يندياعا قاراي جىلجىپ بارادى، مەجەمەن 11 – ايدىڭ 30 - كۇنىنەن باستاپ جاۋىن – شاشىن كورنەكتى السىرەيدى.

كەلۋ قاينارى: حالىق تورابى