10 - ايدا بۇكىل ەل بويىنشا ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 25 مىڭ 316 ماسەلە تەكسەرىپ ءبىر جاقتى ەتىلدى

شينحۋا اگەنتتىگىنىڭ 11 - ايدىڭ 26 – كۇنى بەيجيڭنەن بەرگەن حابارى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى تورابىنىڭ 11 - ايدىڭ 26 - كۇنى بۇكىل ەل بويىنشا ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساۋ ماسەلەسىن تەكسەرىپ ءبىر جاقتى ەتۋ جاعدايىن اي سايىن مالىمدەۋ ساندى مالىمەتىن جاريالادى. حابارلاندىرۋدا كورسەتىلۋىنشە، بيىل 10 - ايدا بۇكىل ەل بويىنشا ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 25 مىڭ 316 ماسەلە تەكسەرىپ ءبىر جاقتى ەتىلگەن، 32 مىڭ 544 ادامعا سىن ايتىلىپ، تاربيە بەرىلگەن جانە ءبىر جاقتى ەتىلگەن (ءبىر ولكە، مينيستر دارەجەلى كادر، 114 ايماق، مەڭگەرمە دارەجەلى كادر قامتىلادى)، 22 مىڭ 741 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن.

حابارلاندىرۋعا نەگىزدەلگەندە، بيىل 10 – ايدا بۇكىل ەل بويىنشا 12 مىڭ 555 فورماشىلدىق، تورەشىلدىك ماسەلەسى تەكسەرىپ ءبىر جاقتى ەتىلگەن، 16 مىڭ 513 ادامعا سىن ايتىپ، تاربيە بەرىلگەن جانە ءبىر جاقتى ەتىلگەن. مۇنىڭ ىشىندە ”مىندەت اتقارىپ، جاۋاپكەرشىلىكتى ادا ەتۋ، ەكونوميكالىق، قوعامدىق دامۋ جانە ەكولوگيالىق ورتانى قورعاۋعا قىزمەت وتەۋ جاعىندا جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، جالعان ىستەۋ، جوعارى ساپالى دامۋعا اۋىر ىقپال جەتكىزۋ“ جاعىنداعى ماسەلەلەر ەڭ كوپ بولعان، 10 مىڭ 561 ماسەلەنى تەكسەرىپ ءبىر جاقتى ەتىپ، 13 مىڭ 894 ادامعا سىن ايتىپ، تاربيە بەرگەن جانە ءبىر جاقتى ەتكەن.

حابارلاندىرۋعا نەگىزدەلگەندە، بيىل 10 - ايدا بۇكىل ەل بويىنشا راقاتقۇمارلىق، استا - توك ىسىراپشىلدىق ماسەلەسىنەن 12 مىڭ 761 ى تەكسەرىپ ءبىر جاقتى ەتىلگەن، 16 مىڭ 31 ادامعا سىن ايتىپ، تاربيە بەرگەن جانە ءبىر جاقتى ەتىلگەن. مۇنىڭ ىشىندە بەلگىلەمەگە قايشى كەلىپ ايگىلى، باعالى، ەرەكشە ونىمدەر مەن تارتۋ - تارالعى الۋ، ۇسىنۋ ماسەلەسىنەن 7075 ىن، بەلگىلەمەگە قايشى تۇردە قوسىمشا قاراجات نەمەسە يگىلىك مامىلەسىن تاراتۋ ماسەلەسىنەن 1489 ىن، بەلگىلەمەگە قايشى ءىشىپ - جەۋ ماسەلەسىنەن 2861 ىن تەكسەرىپ ءبىر جاقتى ەتكەن.