”14 – بەسجىلدىق“ مەزگىلىندە ەلىمىز بىرلەسكەن مەملەكەتتەر ۇيىمىنىڭ وقۋ – اعارتۋ، عىلىم جانە مادەنيەت ۇيىمىنىڭ بەيزاتتىق مادەني مۇرالار تىزىمدىگىنە ەنگىزگەن نىسان سانى 44 كە جەتتى

ءتىلشىنىڭ مادەنيەت جانە ساياحات مينيسترلىگىنەن ۇعىسۋىنشا، ”14 – بەسجىلدىق“ مەزگىلىندە ەلىمىزدىڭ بەيزاتتىق مادەني مۇرالاردى قورعاۋ جاعىنداعى ناتيجەسى كورنەكتى بولعان، بەيزاتتىق مادەني مۇرالار قازىرگى زامان تۇرمىسىمەن كۇن سايىن توعىسىپ، تىڭ شۇعىلا شاشۋدا.

”14 – بەسجىلدىق“ مەزگىلىندە، ەلىمىز 5 – توپتاعى مەملەكەتتىك بەيزاتتىق مادەني مۇرالار ۋاكىلدىك نىسانىنان 325 نىساندى، 6 – توپتاعى مەملەكەتتىك بەيزاتتىق مادەني مۇرالاردىڭ ۋاكىلدىك مۇراگەرلەرىنەن 942 ادامدى جاريالاپ، مەملەكەت دارەجەلى مادەنيەت ەكولوگياسىن قورعاۋ سىناق رايونىنان 14 رايوندى تەكسەرىپ وتكىزىپ العان، مەملەكەت دارەجەلى، ولكە دارەجەلى مادەنيەت ەكولوگيالىق ورتاسىن قورعاۋ رايونىنىڭ سانى 276 عا جەتكەن. جۇڭگو بەيزاتتىق مادەني مۇرالار سارايى جانە جىجياڭ، گۋاڭدۇڭ، شينجياڭ قاتارلى جەرلەردەگى ولكە دارەجەلى بەيزاتتىق مادەني مۇرالار سارايىنان 9 ساراي اشىلىپ ىسكە قوسىلعان، مەملەكەت دارەجەلى بەيزاتتىق مادەني مۇرالاردىڭ ۋاكىلدىك مۇراگەرلەرىنەن جيىنى 2990 ادامدى ەستەلىككە الۋ ورىستەتىلگەن.

”14 – بەسجىلدىق“ مەزگىلىندە، بەيزاتتىق مادەني مۇرالاردى قورعاۋ جانە وعان مۇراگەرلىك ەتۋ قوسىنى اناعۇرلىم زورايعان. جۇڭگونىڭ بەيزاتتىق مادەني مۇرا مۇراگەرلەرىنە باعىتتالعان زەرتتەۋ – جەتىلدىرۋ جوسپارى ىشكەرىلەي اتقارىلىپ، 130 نەشە جوعارى مەكتەپتىڭ 435 رەت زەرتتەۋ – جەتىلدىرۋ كلاسىن ۇيىمداستىرۋىنا قولداۋ كورسەتىلىپ، كەڭەيتىلگەن كۋرسقا قاتىناسقان ادام سانى 100 مىڭ ادامعا (رەت) جەتكەن. 100 نەشە جوعارى مەكتەپتە بەيزاتتىق مادەني مۇرالاردى قورعاۋعا قاتىستى تولىق كۋرستىق كاسىپتەر مەن قاتىستى زەرتتەۋ باعىتتارى اشىلعان.

”14 – بەسجىلدىق“ مەزگىلىندە، بەيزاتتىق مادەني مۇرالاردىڭ ەكونوميكا مەن قوعام دامۋىنا قىزمەت وتەۋ جاعىنداعى رولى اناعۇرلىم كورنەكتىلەنگەن. بەيزاتتىق مادەني مۇرالار ساياحاتپەن ىشكەرىلەي توعىستىرىلىپ، بەيزاتتىق مادەني مۇرالاردىڭ اۋىل – قىستاقتى گۇلدەندىرۋگە دەم بەرۋى ۇزدىكسىز ىلگەرىلەتىلىپ، جەر – جەر 12 مىڭ 900 دەن استام بەيزاتتىق مادەني مۇرا شەبەرحاناسىن قۇرعان، مۇنىڭ ىشىندە كەدەيلىكتەن ارىلعان 693 اۋدان، مەملەكەت بويىنشا اۋىل – قىستاقتى گۇلدەندىرۋدە ءتۇيىندى سۇيەمەلدەنەتىن 135 اۋدان قامتىلىپ، ءبىر ميلليون 200 مىڭنان استام ادامدى جۇمىستاندىرىپ، كىرىسىن ارتتىرۋعا جەبەگەن.

”14 – بەسجىلدىق“ مەزگىلىندە، ەلىمىز بىرلەسكەن مەملەكەتتەر ۇيىمىنىڭ وقۋ – اعارتۋ، عىلىم جانە مادەنيەت ۇيىمىنىڭ بەيزاتتىق مادەني مۇرالار تىزىمدىگىنە ەنگىزگەن نىسان سانى 44 كە جەتىپ، سانى دۇنيە ءجۇزى بويىنشا ءبىرىنشى ورىندا بولعان.

كەلۋ قاينارى: حالىق تورابى