ەڭ جوعارى حالىق سوتى ايقىن تۇراقتاندىردى: بۇل ارەكەتتەردىڭ بارلىعى وتباسىلىق زورلىق – زومبىلىققا جاتادى 

وتباسىلىق زورلىق – زومبىلىق جايلى ءسوز بولسا، كوپتەگەن ادامدار بىردەن ەكى جاقتىڭ بىرەۋى جارالانعان بولۋى مۇمكىن دەپ ويلايدى، ءىس جۇزىندە، رۋحاني زورلىق – زومبىلىق اناعۇرلىم جاسىرىن بولعانىمەن، زيانى بىردەي اۋىر بولادى.

11 – ايدىڭ 21 – كۇنى ەڭ جوعارى حالىق سوتى 2025 – جىلعى جۇڭگوداعى وتباسىلىق زورلىق – زومبلىققا قارسى تيپتىك دەلولاردى جاريالاعان، مۇنىڭ ىشىندە، سوت مەكەمەسى ءبىر رەتكى تيپتىك دەلو جونىندە تەرگەۋ جۇرگىزۋ بارىسىندا، ءبىر جاق ءوزىن – ءوزى جارالاۋ، ءوزىن – ءوزى مۇگەدەك قىلۋ نەمەسە وسىلاي ىستەيمىن دەپ قوقانلوقى جاساۋ ارقىلى قارسى جاقتى رۋحاني جاقتان ۇرەيلەندىرسە، وسى ارقىلى ونى تەجەۋ ماقساتىنا جەتپەك بولسا، بۇل دا وتباسىلىق زورلىق – زومبىلىق سانالادى دەپ ايقىن تۇراقتاندىرعان.

ءوزىن جارالاۋ، ءوزىن مۇگەدەك قىلۋ ارقىلى ۇرەيلەندىرۋ سىندى رۋحاني زورلىق – زومبىلىق تا وتباسىلىق زورلىق – زومبىلىق سانالادى

2024 – جىلى 10 – ايدىڭ 30 – كۇنى، چۇڭچيڭ قالاسى بانان رايونىنداعى ءمالىم تۇرعىندار اۋماعىندا ەرلى – زايىپتىلار وتباسىنداعى ۇساق – تۇيەك ىستەرگە بولا قاتتى شارماياقتاسىپ قالادى. ايەلى لۋ X بالاسىن الىپ كەتىپ قالماقشى بولعان كەزدە، كۇيەۋى ۋاڭ X ۇشقارىلىق ىستەپ، وتباسىلىق داۋ – شاردى دەرەۋ ۋشىقتىرادى.

حالىق ساقشىلارى ءىس تۋىلعان جەرگە بارىپ تەكسەرۋ جۇرگىزگەن كەزدە مىناداي جاعدايدى بايقايدى: ۋاڭ X ايەلىنە توتە قول جۇمساماستان، قولىنداعى پىشاقپەن ءوزىن – ءوزى مەرت قىلامىن دەپ ايەلىن ۇرەيلەندىرىپ، ايەلى لۋ X كە رۋحاني جاقتان قاتتى ۇرەي تۋدىرادى. ۋاڭ X تىڭ ءوزىن – ءوزى مۇگەدەك ەتۋىن بوگەۋ بارىسىندا، ۋاڭ X ونى يتەرىپ جىبەرگەندىكتەن، لۋ X جىعىلىپ جارالانادى. قاتتى ۇرەيلەنگەن لۋ X دەرەۋ ساقشىعا مالىمدەيدى ءارى حالىق ساقشىلارىنىڭ كومەكتەسۋىندە بانان رايوندىق حالىق سوتىنا باس اماندىعىن قورعاۋ بۇيرىعىن شىعارۋدى ءوتىنىش ەتىپ، ىسپاتتاردى تاپسىرادى.

«جۇڭحۋا حالىق رەسپۋبليكاسىنىڭ وتباسىلىق زورلىق – زومبىلىققا قارسى تۇرۋ زاڭىندا» مىنالار ايقىن بەلگىلەنگەن: وتباسىلىق زورلىق – زومبلىق دەگەنىمىز وتباسى مۇشەلەرى اراسىنداعى ۇرىپ - سوعۋ، بايلاۋ، زاقىمداۋ، باس بوستاندىعىن شەكتەۋ، سونداي – اق، ۇنەمى بالاعاتتاۋ، قورقىتۋ قاتارلى تاسىلدەردەن پايدالانىپ فيزولوگيالىق، پسيحولوگيالىق جاقتا زيانداۋ ارەكەتىن كورسەتەدى.

چۇڭچيڭ قالاسى بانان رايوندىق حالىق سوتى مۋدۇڭ سوتىنىڭ ورىنباسار سوت باستىعى لوۋ تيڭ مىنانى ءبىلدىردى: بۇل دەلودا ەر جاق ايەلىن تىكەلەي ۇرىپ – سوقپاعانىمەن، ءوزىن – ءوزى مۇگەدەك ەتۋ، ءوزىن – ءوزى جارالاۋ تاسىلىمەن ايەل جاققا قوقانلوقى جاساپ، وعان پسيحولوگيالىق جاقتا قىسىم تۇسىرگەن ءارى رۋحاني جاقتا ۇرەيلەندىرگەن، ەڭ سوڭىندا ايەل جاقتى تەجەۋ ماقساتىنا قول جەتكىزگەن، ايەل جاققا پسيحولوگيالىق جاقتا، رۋحاني جاقتا اۋىر زيان جەتكىزگەن، مۇنىڭ سالدارى ۇرەيلەندىرۋ ارەكەتى بولىپ، رۋحاني جاقتاعى زورلىق – زومبىلىققا جاتادى.

كەلۋ قاينارى: حالىق تورابى