قاتار تىزىمدىگى جاريالادى! شينجياڭداعى جوعارى مەكتەپتەردەن 16 ءپان قاتاردان ورىن الدى

11 – ايدىڭ 18 – كۇنى، 2025 – جىلعى ”جۇمساق عىلىم دۇنيە ءجۇزى بويىنشا بىرەگەي پاندەر قاتارى“ جاريالاندى، شينجياڭداعى 4 جوعارى مەكتەپتىڭ 16 ءپانى قاتاردان ورىن الدى.

مەكتەپتەردىڭ ءپان سانىنان قاراعاندا، شينجياڭ داشۋەسىنىڭ بەينەسى كورنەكتى بولىپ، جيىنى 9 ءپان قاتاردان ورىن العان، بۇل 2024 ـ جىلى اتالعان مەكتەپتىڭ قاتاردان ورىن العان پاندەر سانىنىڭ 3 ەسەسىندەي. وتكەن جىلعى قاتاردان ورىن العان ماتەماتيكا، حيميا ينجەنەرياسى، ەنەرگيا عىلىمى جانە ينجەنەرياسى قاتارلى پاندەردەن شينجياڭ داشۋەسىنەن بيىل جاڭادان 6 ءپان قاتاردان ورىن الدى، ولار جەكە – جەكە حيميا، اسپاپ عىلىمى، ماتەريال عىلىمى جانە ينجەنەرياسى، نانومەتر عىلىمى جانە تەحنيكاسى، شالعايدان بارلاۋ تەحنيكاسى، اگرونوم. وسىدان كەيىن شىحىزى داشۋەسىنىڭ اگرونوميا، ازىق ـ تۇلىك عىلىمى جانە ينجەنەرياسى، سۋ بايلىعى ينجەنەرياسى، حيميا ينجەنەرياسى قاتارلى 4 ءپانى قاتارىنان ورىن الدى، شينجياڭ اۋىل شارۋاشىلىق داشۋەسىنىڭ مال شيپاگەرلىگى جانە اگرونومياسى قاتارلى 2 ءپانى قاتاردان ورىن الدى، تارىم داشۋەسىنىڭ اگرونومياسى قاتاردان ورىن الدى.

وسى رەتكى قاتارعا تىزۋدە شينجياڭداعى جوعارى مەكتەپتەردىڭ 3 ءپانى دۇنيە ءجۇزى بويىنشا الدىڭعى 200 ءپاننىڭ قاتارىنا ءوتتى، ولار جەكە - جەكە شىحىزى داشۋەسىنىڭ اگرونومياسى (دۇنيە ءجۇزى بويىنشا 101 – 150 قاتاردا)، ازىق - تۇلىك عىلىمى جانە ينجەنەرياسى (دۇنيە ءجۇزى بويىنشا 101 – 150 قاتاردا)، جانە شينجياڭ داشۋەسىنىڭ شالعايدان بارلاۋ تەحنيكاسى (دۇنيە ءجۇزى بويىنشا 151 – 200 قاتاردا).

شينجياڭ ءپان قۇرىلىسى قىزمەتىنە وسكەلەڭ ءمان بەرىپ، ”قوس بىرەگەي“ قۇرىلىسىن ۇزدىكسىز ىلگەرىلەتىپ، پاندەردى دامىتۋدىڭ جوباسىن جوعارى ولشەممەن جاسادى. سوڭعى جىلدارى شينجياڭ ۇيعۇر اۆتونوميالى رايونى جوعارى مەكتەپتەردىڭ مەملەكەت پەن اۆتونوميالى رايوننىڭ كەلەلى ستراتەگيالارىمەن تىعىز ۇشتاسۋىنا جەتەكشىلىك ەتىپ، ءپان ماماندىقتارىن ورنالاستىرۋدى، رەتتەۋدى ساپالىلاندىرىپ، ءپان قۇرىلىسى ارقىلى جوعارى وقۋ ـ اعارتۋ دەڭگەيىنىڭ جوعارىلاۋىنا جەتەكشىلىك ەتىپ، جوعارى وقۋ ـ اعارتۋدىڭ شينجياڭنىڭ جوعارى ساپالى دامۋىنا تىرەك بولۋ قۋاتى مەن ۇلەس قوسۋ دەڭگەيىن جوعارىلاتتى.

كەلۋ قاينارى: حالىق تورابى