شينجياڭ بوراننان ساقتانۋ ساقتىق سيگنالىنىڭ دارەجەسىن جوعارىلاتتى! جەل وتىندەگى جەل كۇشى 9 دا 10 بالعا، مەزەتتىك وتكىنشى جەل كۇشى 12 بالعا جەتەدى

جۇڭگو اۋا رايى تورابى جاريالاعان ەڭ جاڭا ساقتىق ينفورماتسياسىندا كورسەتىلۋىنشە، 11 – ايدىڭ 16 – كۇنى ساعات 16 دان 1 مينۋت وتكەندە، شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن بوراننان ساقتانۋدىڭ سارى ءتۇستى ساقتىق سيگنالىنا جوعارىلاتقان، مەجەمەن 11 – ايدىڭ 16 - كۇنى تۇستەن كەيىننەن 17 – كۇنى كۇندىزگە دەيىن، تارباعاتاي ايماعىنىڭ سولتۇستىگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك قالا ماڭى رايونىنان دابانچىڭ وڭىرىنە دەيىن، سانجى وبلىسىنىڭ شىعىس بولەگى، قۇمىل قالاسى قاتارلى جەرلەردە قيىس شىعىستان ىلگەرىندى - كەيىندى 6 بال شاماسىندا بوران سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەلدى ءوڭىرى، التاي ايماعىنىڭ نوقاي جەل ءوتى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە جەل كۇشى 9 دا 10 بالعا جەتەدى، مەزەتتىك وتكىنشى جەل كۇشى 12 بالعا جەتەدى، كەي جەرلەردە قارلى بۇرقاسىن بولادى، ساقتىقتى كۇشەيتىڭىزدەر.

11 – ايدىڭ 17 – كۇنى تۇننەن 18 – كۇنى كۇندىزگە دەيىن تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك قالا ماڭىنان دابانچىڭ وڭىرىنە دەيىن، سانجى وبلىسى، قۇمىل قالاسى قاتارلى جەرلەردە قيىس شىعىستان 5 بال اينالاسىندا جەل سوعادى، جەل وتتەرىندەگى جەل كۇشى 8 دە 9 بالعا جەتەدى، ءىشىنارا جەرلەردە قارلى بۇرقاسىن بولادى. تارباعاتاي ايماعىنىڭ وڭتۇستىك بولەگى، شىحىزى قالاسى، ءۇرىمجى قالاسى، سانجى وبلىسى قاتارلى جەرلەردىڭ ءىشىنارا وڭىرلەرىندە ۇزدىك - سوزدىق تۇماندى اۋا رايى بولادى.

11 – ايدىڭ 18 – كۇنى تۇننەن 19 – كۇنى كۇندىزگە دەيىن، بۇكىل شينجياڭنىڭ باسىم كوپ جەرىندە نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

كەلۋ قاينارى: حالىق تورابى