بۇگىن كەشتەن باستاپ شينجياڭدا سۋىق اعىس بولادى

بۇگىن كەشتەن باستاپ شينجياڭدا جاڭا كەزەكتى سۋىق اعىس بولادى، قار نەمەسە جاڭبىر جاۋىپ، بوران سوعادى، تەمپەرتۋرا تومەندەيدى.

شينجياڭ اۋا رايى مەكەمەسى ءۇنحات تەكشەسىنىڭ ەڭ جاڭا حابارىنا نەگىزدەلگەندە، 11 – ايدىڭ 12 – كۇنى تۇننەن 14 – كۇنى تۇنگە دەيىن سولتۇستىك شينجياڭنىڭ باسىم كوپ ءوڭىرى مەن قۇمىل قالاسىنىڭ سولتۇستىگىندەگى ءىشىنارا وڭىرلەردە جاڭبىر ارالاس قار نەمەسە قار جاۋادى، مۇندا ىلە اڭعارىنداعى تاۋلى رايوندار، بۇراتالا وبلىسىنىڭ تاۋلى رايوندارى، تارباعاتاي ايماعىنىڭ سولتۇستىك بولەگى، التاي ايماعى، سانجى وبلىسىنىڭ تاۋلى رايونى، قۇمىل قالاسىنىڭ سولتۇستىگى قاتارلى جەرلەردىڭ ءىشىنارا وڭىرلەرىندە قالىڭ قار جاۋادى، تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى مەن شىعىس بولەگىنىڭ ءىشىنارا جەرلەرىندە قالىڭ قار جاۋادى، كەي جەرلەرىندە ەرەكشە قالىڭ قار جاۋادى. سولتۇستىك شينجياڭ مەن شىعىس شينجياڭدا باتىس سولتۇستىكتەن ىلگەرىندى - كەيىندى 6 بال اينالاسىندا بوران سوعادى، جەل وتتەرىندە جەل كۇشى زور بولادى، ءىشىنارا جەرلەردە قارلى بوران سوعادى.

جاڭبىر مەن قاردىڭ كەسىرىنەن جولدى دىمقىلداندىرىپ، كەي جول بولەكتەرىنە مۇز قاتادى، كورۋ دارەجەسى ناشار بولىپ، ساياحات پەن قاتىناس - تاسىمال ىستەرىنە ءتيىمسىز ىقپال جاسايدى.

وسى رەتكى اۋا رايى بارىسىنا باعىتتاي وتىرىپ، التاي ايماقتىق اۋا رايى مەكەمەسى ماڭىزدى اۋا رايى ينفورماتسياسىن جاريالادى، التاي ايماعىندا قار جاۋادى (تاۋلى رايونداردا ەرەكشە قالىڭ قار جاۋادى)، كۇشتى جەل سوعادى، قارلى بۇرقاسىن بولادى، سونداي – اق سوڭعى جارىم جىلداعى تۇڭعىش رەتكى وڭىرلىك سۋىق اعىس پايدا بولادى.

الدىن الا مالىمەتكە نەگىزدەلگەندە، مۇنىڭ ىشىندە 11 – ايدىڭ 13 – كۇنى تاڭەرتەڭنەن تۇنگە دەيىن بۋىرشىن اۋدانىنىڭ قاناس، قوم قاتارلى اۋىل – قالاشىقتارىندا، التاي قالاسىنىڭ التاي – قوم تاس جولىنىڭ بويىندا، سونداي - اق قابا اۋدانىنىڭ، بۋرىلتوعاي اۋدانىنىڭ، كوكتوعاي اۋدانىنىڭ اۋىل - قالاشىقتارىندا، مال شارۋاشىلىق الاڭدارىندا قالىڭ قار جاۋادى، جاڭادان جاۋعان قاردىڭ قالىڭدىعى 18 دە 30 سانتيمەترگە جەتەدى. 11 – ايدىڭ 13 – كۇنىنەن 15 – كۇنىنە دەيىن التاي ايماعىنىڭ جەر - جەرىندە تەمپەراتۋرا 10 سەلتسي گرادۋستان ارتىق تومەندەيدى.

اۋا رايى تاراۋلارى قاراستى رايونداعى ءارقايسى باستى مەملەكەتتىك، ولكەلىك نەگىزگى جولداردا، جوعارى قارقىندى تاس جولداردا، قالا جولىندا، اۋىل - قىستاق تاس جولدارىندا اۋا رايى شارت - جاعدايى اۆتوكولىكتەردىڭ قاتىناۋىنا ءتيىمسىز بولعاندا، اسىرەسە تاۋلى رايوندارداعى جولداردا قاتىناس شىرعالاڭى تۋىلۋ حاۋىپ - قاتەرى جوعارى بولعاندا، قاتىستى تاراۋلاردىڭ قاتىناس ساپارىنىڭ حاۋىپسىزدىگىن باسقارۋدى كۇشەيتۋىن ءارى قاتىناسقا شەكتەۋ قويۋ شاراسىن دەر كەزىندە ورىستەتۋىن ۇسىنىس ەتتى. دەر كەزىندە كيىم – كەشەكتى قالىڭ كيىپ، سۋىقتان ساقتانۋ كەرەك، جىلۋمەن قامداۋ تاراۋلارى جىلۋمەن قامداۋ پارامەترلەرىن دەر كەزىندە رەتتەپ، جىلۋمەن قامداۋ تەبىنىن ارتتىرۋ كەرەك.

كەلۋ قاينارى: حالىق تورابى