جۇڭگو جاق ۇيعارىم جاسادى: قارسى جازالاۋ شاراسى ۋاقىتشا توقتاتىلادى

11 – ايدىڭ 10 – كۇنى، ساۋدا مينيسترلىگى «حانحۋا تەڭىز – مۇحيت شەكتى جارنا سەرىكتەستىگىنىڭ ا ق ش – مەن قاتىستى 5 بولىمشە سەرىكتەستىگىنە اتقارىلعان قارسى جازالاۋ شاراسىن ءبىر جىل ۋاقىتشا توقتاتا تۇرۋ جونىندەگى ۇيعارىمدى» جاريالاعان.

ا ق ش – نىڭ شىعىس بولىك ۋاقىتى بويىنشا 2025 – جىلى 11 – ايدىڭ 9 – كۇنى، ا ق ش 11 – ايدىڭ 10 – كۇنىنەن باستاپ جۇڭگونىڭ تەڭىز ىستەرىنە، زات اينالىمىنا جانە كەمە جاساۋ كاسىبىنە باعىتتالعان 301 – تارماق بويىنشا تەكسەرۋ جۇرگىزۋ شاراسىن ءبىر جىل ۋاقىتشا توقتاتا تۇراتىنىن جاريالاعان. وسىعان بايلانىستى، «جۇڭحۋا حالىق رەسپۋبليكاسىنىڭ شەتەلدىڭ جازالاۋ شارالارىنا قارسى تۇرۋ زاڭى»، «‹جۇڭحۋا حالىق رەسپۋبليكاسىنىڭ شەتەلدىڭ جازالاۋ شارالارىنا قارسى تۇرۋ زاڭىن› اتقارۋ جونىندەگى بەلگىلەمە» قاتارلى زاڭ – تۇزىمدەرگە ساي، جۇڭگو جاق بەيجيڭ ۋاقىتى بويىنشا 2025 – جىلى 11 – ايدىڭ 10 – كۇنىنەن باستاپ، ساۋدا مينيسترلىگىنىڭ 2025 – جىلعى 6 – ءنومىرلى بۇيرىعىنداعى («حانحۋا تەڭىز – مۇحيت شەكتى جارنا سەرىكتەستىگىنىڭ ا ق ش – مەن قاتىستى بولىمشە سەرىكتەستىكتەرىنە قارسى جازالاۋ شارالارىن اتقارۋ جونىندەگى ۇيعارىم») قاتىستى شارالاردى ۋاقىتشا ءبىر جىل توقتاتا تۇرۋدى ۇيعارعان.

كەلۋ قاينارى: حالىق تورابى