”قار ـ مۇز ساياحاتىنداعى“ ءوتىمدى نىسانالى جەر شينجياڭ 10 مىڭ قار ـ مۇز تۇتىنۋ بەلەتىن تاراتادى

شينحۋا اگەنتتىگىنىڭ 11 ـ ايدىڭ 6 ـ كۇنى ۇرىمجىدەن بەرگەن حابارى. ءتىلشىنىڭ 11 – ايدىڭ 6 - كۇنى شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، 11 ـ ايدىڭ 14 ـ كۇنىنەن باستاپ شينجياڭ جۇرتشىلىققا 2025 – 2026 - جىلعى قار ـ مۇز تۇتىنۋ بەلەتىن تاراتقان، العاشقى كەزەكتە 10 مىڭ قار ـ مۇز تۇتىنۋ بەلەتى تاراتىلادى. بۇل شينجياڭداعى 4S دارەجەلى جانە ودان جوعارى 11 قار شاڭعى الاڭىندا قولدانۋعا بولادى.

شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ تانىستىرۋىنا قاراعاندا، وسى رەتكى تۇتىنۋ بەلەتىنىڭ قار شاڭعى الاڭىندا قولدانۋ كولەمى ءۇرىمجى قالاسى، سانجى وبلىسى، التاي ايماعى، ىلە وبلىسى، بۇراتالا وبلىسى، قىزىلسۋ وبلىسى قاتارلى جەرلەردى قامتيدى، العاشقى جولدان جوعارى دارەجەلى جولعا دەيىنگى كوپ ءتۇرلى قار جولى تۇرلەرىن قامتيدى، ۇقساماعان دەڭگەيدەگى قار شاڭعى اۋەسكەرلەرىنىڭ قاجەتىن قاناعاتتاندىرۋعا بولادى. ءاربىر تۇتىنۋ بەلەتىنىڭ قۇنى 20 يۋان، ساتىپ العان قار بەلەتى 100 يۋانعا تولعاندا تىكەلەي دولايلاستىرىلىپ پايدالانۋعا بولادى. ءبىر ءبولىم قار شاڭعى الاڭدارى ءبىر ۋاقىتتا 20 يۋان ارناۋلى قوسىمشا قاراجات قوسىپ، ”تۇتىنۋ بەلەتىن دولايلاستىرۋ + قار الاڭىنا قوسىمشا قاراجات بەرۋ“ سىندى قوس قابات تيىمدىلىك قالىپتاستىرىپ، ساياحاتشىلار ەڭ جوعارى بولعاندا 100 يۋان تولەگەندە، 40 يۋان از تولەۋىنە بولادى. سونىمەن ءبىر ۋاقىتتا ساياحاتشىلاردىڭ ”شينجياڭدى ساياحاتتاۋ ءبىر كود ساياحاتى“ ۋيچات شاعىن باعدارلاماسى ارقىلى الۋىنا بولادى.

كەلۋ قاينارى: حالىق تورابى