شينجياڭنىڭ كوپ جەرىندە اسپاننان ”وت جۇلدىز قۇلاعان“ كورىنىس بايقالعانى راس پا؟

11 – ايدىڭ 2 – كۇنى ساعات 4 تەن 40 مينۋت وتكەندە، ءبىر وتتى اقپا جۇلدىز كوكجيەكتەن اعىپ وتكەن ءارى اۋادا جارىلىس تۋدىرىپ، تۇنگى اسپاندى ”نۇرلاندىرعان“، شينجياڭنىڭ التاي قالاسى، قابا اۋدانى، ءدوربىلجىن اۋدانى قاتارلى جەرلەردەگى توراپتاستاردىڭ ايتۋىنشا، ولار ءوز ۇيلەرىنىڭ باقىلاۋ كامەراسىنان نەمەسە اۆتوموبيلدىڭ قوزعالىستى ەستەلىككە الۋ اسپابىنان وسى كورىنىستى كورگەن.

مامانداردىڭ ايتۋىنشا، ”وتتى اقپا جۇلدىزدىڭ“ بايقالۋى تورپاق شوقجۇلدىزىنداعى نەمەسە ارىستان شوقجۇلدىزىنداعى اقپا جۇلدىز جاۋىنىمەن قاتىستى بولۋى مۇمكىن، وسى ەكى شوقجۇلدىزداعى اقپا جۇلدىز جاۋىنى 11 – ايدا ءبىرشاما كوپ بولادى.

وتتى اقپا جۇلدىز دەگەنىمىز اقپا جۇلدىزدىڭ ءبىر ءتۇرى، جەر شارىنان تىسقارى ءبىرشاما ءىرى اسپان دەنەسى اتموسفەراعا كىرگەن سوڭ، قارقىنى ەرەكشە تەز بولعاندىقتان ۇيكەلىس سەبەبىنەن ورتەنۋ، اۋەدە جارىلۋ جاعدايى تۋىلىپ، وسىنىڭ سالدارىنان بولشەكتەنۋ بارىسىندا تۋىلاتىن ءبىر ءتۇرلى استرونوميالىق جاعداي، ادەتتە جارىقتىق دارەجەسى قانشالىق جوعارى بولعان سايىن سونشالىق سيرەك كەزدەسەدى. وتتى اقپا جۇلدىز مەتەوريت جۇلدىز دەپ تە اتالادى، ونىڭ اتموسفەرادا تولىق جانىپ بولماعان بولىگى جەر بەتىنە تۇسكەن سوڭ مەتەوريت تاس دەپ اتالادى.

كەلۋ قاينارى: حالىق تورابى