ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردە قالىڭ قار جاۋادى 

11 – ايدىڭ 4 – كۇنىنەن 11 – ايدىڭ 7 – كۇنىنە دەيىن، شينجياڭعا ءبىرشاما كۇشتى سۋىق اعىس ىقپال جاسايدى، سولتۇستىك شينجياڭنىڭ باتىس بولىگى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردە قالىڭ قار جاۋىپ، اۋىل شارۋاشىلىعى جانە مال شارۋاشىلىعى، قاتىناس – تاسىمال، قالا اينالىمى قاتارلىلارعا ءتيىمسىز ىقپال جاسايدى.

شينجياڭ اۋا رايى ستانسياسى 11 – ايدىڭ 1 – كۇنى اۋا رايىنان بولجام جاريالادى، 11 – ايدىڭ 4 – كۇنى تۇستەن كەيىننەن 11 – ايدىڭ 7 – كۇنى كۇندىزگە دەيىن، سولتۇستىك شينجياڭنىڭ جەر – جەرىندە، شىعىس شينجياڭنىڭ كوپ بولىمىندە جانە وڭتۇستىك شينجياڭنىڭ باتىس بولىمىندە، بايىنعولىن موڭعۇل اۆتونوميالى وبلىسى قاتارلى جەرلەردىڭ ءبىر ءبولىم وڭىرلەرىندە از مولشەردە جاڭبىر جاۋادى نەمەسە قار ارالاس جاڭبىر جاۋىپ، سوڭى قارعا اينالادى (وڭتۇستىك شينجياڭداعى جازىق وڭىرلەردە نەگىزىنەن جاڭبىر جاۋادى)، مۇنىڭ ىشىندە ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، ءۇرىمجى قالاسى، سانجى قالاسى، قاشقار ايماعىنىڭ وڭتۇستىگىندەگى تاۋلى وڭىرلەر، اقسۋ ايماعىنىڭ سولتۇستىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەر، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءبىر ءبولىم وڭىرىندە قالىڭ قار جاۋادى (جيىنتىق قار مولشەرى 15 – 25 ميلليمەتر، جاڭادان جينالعان قاردىڭ قالىڭدىعى 10 – 15 سانتيمەتر)؛ ىلە قازاق اۆتونوميالى وبلىسىنىڭ قورعاس اۋدانى، قۇلجا اۋدانى، نىلقى اۋدانى، موڭعۇلكۇرە اۋدانى، تەكەس اۋدانى، توعىزتاراۋ اۋدانى، كۇنەس اۋدانى، بۇراتالا وبلىسىنىڭ بۇراتالا قالاسى، اراسان اۋدانى، ءۇرىمجى قالاسى، سانجى وبىلىسىنىڭ فۋكاڭ قالاسى، جەمسارى اۋدانى قاتارلى جەرلەردىڭ ءبىر ءبولىم وڭىرلەرىندە ەرەكشە قالىڭ قار جاۋادى (جيىنتىق قار مولشەرى 30 – 50 ميلليمەتر، جاڭادان جينالعان قاردىڭ قالىڭدىعى 35 – 55 سانتيمەتر).

ءارقايسى وڭىرلەردە قاردىڭ ەڭ كوپ جاۋاتىن مەزگىلى: ىلە اڭعارى، بۇراتالا وبلىسى، تارباعاتاي ايماعىندا 11 – ايدىڭ 4 – كۇنى تۇننەن 11 – ايدىڭ 5 – كۇنى تۇنگە دەيىن، ءۇرىمجى قالاسىندا، سانجى وبلىسىندا، اقسۋ ايماعىنىڭ سولتۇستىگىندەگى تاۋلى وڭىرلەردە 11 – ايدىڭ 5 – كۇنى كۇندىزدەن تۇنگە دەيىن، بايىنعولىن وبلىسىنىڭ سولتۇستىگىندەگى تاۋلى وڭىردە 11 – ايدىڭ 5 – كۇنى كۇندىزدەن 11 – ايدىڭ 6 – كۇنى كۇندىزگە دەيىن، قۇمىل قالاسىنىڭ سولتۇستىگىندەگى تاۋلى وڭىردە 11 – ايدىڭ 6 – كۇنى كۇندىزدەن تۇنگە دەيىن.

وسى رەتكى سۋىق اعىس بارىسىندا قالىڭ قار جاۋۋدان سىرت، قارمەن ىلەسە بوران سوعادى، 11 – ايدىڭ 4 – كۇنى كەشتەن 11 – ايدىڭ 7 – كۇنى كۇندىزگە دەيىن، سولتۇستىك شينجياڭنىڭ كوپ بولىمىندە، وڭتۇستىك شينجياڭنىڭ باتىس بولىگىندە، بايىنعولىن وبلىسىنىڭ سولتۇستىك بولىگىندە، تۇرپان قالاسىندا، قۇمىل قالاسىندا باتىس سولتۇستىكتەن ىلگەرىندى – كەيىندى 6 بال شاماسىندا جەل سوعادى، جەل وتتەرىندە جەل كۇشى 9 – 10 بالعا جەتەدى، ۇيتقىمالى جەل كۇشى 11 بال اينالاسىنا جەتەدى.

وسى رەتكى اۋا رايى وزگەرىسىندەگى باستى ەرەكشەلىكتىڭ ءبىرى — اۋا تەمپەراتۋراسىنىڭ تومەندەۋى. سولتۇستىك شينجياڭدا، شىعىس شينجياڭدا ەڭ تومەنگى تەمپەراتۋرا ℃8 -℃10 تومەندەيدى، وڭتۇستىك شينجياڭنىڭ باسىم كوپ بولىمىندە ℃5 - ℃8 تومەندەيدى؛ ەڭ تومەنگى تەمپەراتۋرا جونىنەن ايتقاندا، سولتۇستىك شينجياڭداعى جازىق وڭىرلەردە اۋا تەمپەراتۋرا تومەندەپ ℃10- تان ℃5- قا دەيىن تۇسەدى، وڭتۇستىك شينجياڭداعى ويپاتتى وڭىرلەردە تەمپەراتۋرا تومەندەپ ℃8- تان ℃2- قا دەيىن تۇسەدى، تاۋلى وڭىرلەردە ℃20- تان ℃15- قا دەيىن تۇسەدى.

ءۇرىمجى قالاسىندا 11 – ايدىڭ 5 – كۇنى تاڭ سارىدەن 11 – ايدىڭ 6 – كۇنى كۇندىزگە دەيىن قار ارالاس جاڭبىردىڭ سوڭى قالىڭ قارعا، ودان ەرەكشە قالىڭ قارعا اينالادى (جاڭادان جينالعان قاردىڭ قالىڭدىعى 10 – 25 سانتيمەتر)، ءىشىنارا جەرلەردە توتەنشە قالىڭ قار جاۋادى (جاڭادان جينالعان قاردىڭ قالىڭدىعى 35 – 55 سانتيمەتر)، باتىس سولتۇستىكتەن 4 – 5 بال جەل سوعادى، قالا رايونىندا كۇندىزگى ەڭ جوعارى اۋا تەمپەراتۋراسى℃2- تان ℃3 قا دەيىن بولادى، 11 – ايدىڭ 7 – كۇنى تاڭ سارىدە ەڭ تومەنگى اۋا تەمپەراتۋراسى ℃8- قا دەيىن تۇسەدى.

اۋا رايى تاراۋلارى مىنانى ەسكەرتەدى: قالىڭ قاردىڭ، بوراننىڭ، تەمپەراتۋرانىڭ تومەندەۋىنىڭ اۋىل شارۋاشىلىعى جانە مال شارۋاشىلىعى، قاتىناس – تاسىمال، قالا اينالىمى، ەلەكتر جانە حابارلاسۋ قاتارلى جاقتاردا ءتيىمسىز ىقپال جاساۋىنان ساقتانىپ، جىلۋمەن قامداۋعا ويداعىداي كەپىلدىك ەتۋ كەرەك.

كەلۋ قاينارى: حالىق تورابى