قوعام حاۋىپسىزدىگى ورگاندارى ”تايۋان دەربەستىگىن“ دارىپتەيتىن توڭمويىن ەلەمەنت شىن بوياڭنىڭ ۇستىنەن دەلو تۇرعىزىپ، تەكسەرۋ جۇرگىزدى 

شينحۋا اگەنتتىگىنىڭ 10 – ايدىڭ 28 – كۇنى چۇڭچيڭنەن بەرگەن حابارى. چۇڭچيڭ قالالىق قوعام حاۋىپسىزدىگى مەكەمەسى 10 – ايدىڭ 28 – كۇنى ساقشى ىستەرى جاعدايى تۋرالى حابارلاندىرۋ جاريالاعان، شىن بوياڭنىڭ ”تايۋان دەربەستىگى“ بولشەكتەۋشى ۇيىمى ”قارا مىسىق ايۋ شۋەيۋانىن“ قۇرۋ قاتارلى تاسىلدەردى ورتاعا قويىپ، مەملەكەتتى بولشەكتەۋ قىلمىستىق ارەكەتىمەن شۇعىلدانعانىنا قاتاڭ سوققى بەرۋ ءۇشىن، اتالعان مەكەمە «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «مەملەكەتتى بولشەكتەۋ، مەملەكەتتى بولشەكتەۋگە ايتاقتاۋ قىلمىسىن وتكىزگەن ”تايۋان دەربەستىگىن“ دارىپتەيتىن توڭمويىن ەلەمەنتتەردى زاڭ بويىنشا جازالاۋ جونىندەگى پىكىر» قاتارلى قاتىستى بەلگىلەمەلەرگە ساي، شىن بوياڭنىڭ مەملەكەتتى بولشەكتەۋ قىلمىس كۇمانى جونىندە دەلو تۇرعىزىپ، تەكسەرۋ جۇرگىزگەن، ونىڭ قىلمىستىق ىستەر جاۋاپكەرشىلىگىن زاڭ بويىنشا قۋزاستىرادى.

2024 – جىلى 10 – ايدىڭ 14 – كۇنى، مەملەكەتتىك كەڭەستىڭ تايۋان ىستەرى كەڭسەسى شىن بوياڭدى (ەر، 43 جاس، تايۋان ولكەسى تايبەي قالاسىنىڭ ادامى) ”تايۋان دەربەستىگىن“ دارىپتەيتىن توڭمويىن ەلەمەنتتەردىڭ تىزىمدىگىنە ەنگىزگەن.

چۇڭچيڭ قالالىق قوعام حاۋىپسىزدىگى مەكەمەسى مىنانى ءبىلدىردى: بارشا جۇرتشىلىقتىڭ قاتىستى دەرەكتەردى بايقاعان جاعدايدا دەرەۋ قوعام حاۋىپسىزدىگى ورگاندارىنا اشكەرەلەۋىنە بولادى، قوعام حاۋىپسىزدىگى ورگاندارى اشكەرەلەۋشىنىڭ سالاۋاتتىق ينفورماتسيالارىن مۇلدە قۇپيا ۇستايدى. اشكەرەلەۋ حات ساندىعى CQGACTD@163.com، اشكەرەلەۋ تەلەفون ءنومىرى: 023-65697660.

كەلۋ قاينارى: حالىق تورابى