قار، جاڭبىر جاۋىپ، بوران سوعادى! اۋا تەمپەراتۋراسى الدىمەن تومەندەپ، سوڭىنان جوعارىلايدى

10 – ايدىڭ 27 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا جالپى جاقتان كۇن اشىق بولادى، اپتانىڭ باسىندا (10 – ايدىڭ 27 – كۇنى كۇندىزدەن 29 – كۇنى ءتۇن جارىمىنا دەيىن) سولتۇستىك شينجياڭنىڭ باتىس بولەگى، سولتۇستىك بولەگى قاتارلى جەرلەردە جاۋىن – شاشىن بولعانىمەن، 10 – ايدىڭ 30 – كۇنىنەن باستاپ بۇكىل شينجياڭنىڭ باسىم كوپ جەرىندە اۋا رايى اشىق بولىپ، اۋا تەمپەراتۋراسى بىرتىندەپ جىلىنادى.

مالىمەتتە كورسەتىلۋىنشە، اپتانىڭ باسىندا ءبىر رەتكى جاۋىن – شاشىندى اۋا رايى سولتۇستىك شينجياڭنىڭ باتىس بولەگى، سولتۇستىك بولەگى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، سونداي – اق وڭتۇستىك شينجياڭنىڭ باتىس بولەگىندەگى تاۋلى رايون قاتارلى جەرلەرگە اسەر ەتەدى، جوعارىداعى ايتىلعان جەرلەردە از جاڭبىر جاۋادى، ورتاشا، بيىك تاۋلى رايونداردا جاڭبىر ارالاس قار نەمەسە قار جاۋادى، مۇنىڭ ىشىندە ىلە اڭعارى، تارباعاتاي ايماعىنىڭ سولتۇستىك بولەگى، التاي ايماعىنىڭ تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايونداردىڭ ءىشىنارا جەرلەرىندە ورتاشادان باستاپ قالىڭ جاڭبىر نەمەسە قالىڭ قار جاۋادى، تاۋلى رايونداردىڭ كەي جەرلەرىندە ءتىپتى ەرەكشە قالىڭ قار جاۋادى، جاۋىن – شاشىنعا ىلەسىپ جوعارىداعى ايتىلعان وڭىرلەر مەن تۇرپان قالاسىندا باتىس سولتۇستىكتەن ىلگەرىندى – كەيىندى 5 بال اينالاسىندا جەل سوعادى، جەل وتتەرىندەگى جەل كۇشى زور بولادى، 8 دە 9 بالعا جەتەدى، سونىمەن بىرگە اۋا تەمپەراتۋراسى تومەندەيدى.

قۋانارلىق جاعداي، بۇل رەتكى جاۋىن – شاشىننىڭ ىقپال جاسايتىن كولەمى شەكتى، ونىڭ ۇستىنە جالعاساتىن ۋاقىتى قىسقا، 10 – ايدىڭ 30 – كۇنىنەن (بەيسەنبى) باستاپ، 11 – ايدىڭ 2 – كۇنىنە دەيىن بۇكىل شينجياڭنىڭ باسىم كوپ جەرىندە كۇن اشىلىپ، نەگىزىنەن كۇن اشىق نەمەسە بۇلتتى بولادى، اۋا تەمپەراتۋراسى بىرتىندە ورنىقتى جوعارىلايدى، قوڭىر كۇز قايتا كەلگەندەي اسەر ەتەدى.

وسى اپتادا ءۇرىمجى قالاسىنىڭ ءارقايسى رايوندارى مەن اۋدانىندا نەگىزىنەن كۇن اشىق نەمەسە بۇلتتى بولادى، اۋا تەمپەراتۋراسى ورنىقتى بولادى، قالا رايوندارىنىڭ كۇندىك ەڭ تومەنگى اۋا تەمپەراتۋراسى 3 تە 4 سەلتسي گرادۋس اينالاسىندا بولادى، كۇندىك ەڭ جوعارى اۋا تەمپەراتۋراسى 11 دا 15 سەلتسي گرادۋس اينالاسىندا بولادى، جالپى جاقتان قالا تۇرعىندارىنىڭ سىرتقا شىعىپ ارەكەت جاساۋىنا، ءتۇرلى دالالىق قيمىلدارمەن شۇعىلدانۋىنا لايىق كەلەدى.

كەلۋ قاينارى: حالىق تورابى