10 – ايدىڭ سوڭىنا دەيىن تاعى دا ەكى رەت سۋىق اعىس بولادى، بۇل رەت قانشالىقتى سۋىق بولادى؟

ورتالىق اۋا رايى ستانسياسىنىڭ ورتا مەرزىمدىك الدىن الا مالىمەتىنە قاراعاندا، 10 – ايدىڭ 25 –كۇنىنەن 26 – كۇنىنە دەيىن سۋىق اعىستىڭ ىقپالىنا ۇشىراعاندىقتان، جۇڭگونىڭ باتىس سولتۇستىك رايونى، سولتۇستىك جۇڭگو، شىعىس سولتۇستىك جۇڭگو، حۋاڭحى – حۋايحى ءوڭىرى قاتارلى جەرلەردىڭ اۋا تەمپەراتۋراسى 4 تە 6 سەلتسي گرادۋس تومەندەيدى، ءىشىنارا جەرلەردە 8 سەلتسي گرادۋستان ارتىق تومەندەيدى.

بۇدان سىرت، 10 - ايدىڭ 28 - كۇنىنەن 29 - كۇنىنە دەيىن سۋىق اعىستىڭ ىقپالىنان شينجياڭنىڭ سولتۇستىك بولەگى، گانسۋدىڭ باتىس بولەگى، ىشكى موڭعۇلدىڭ باتىس بولەگى قاتارلى جەرلەردىڭ اۋا تەمپەراتۋراسى 4 تە 8 سەلتسي گرادۋس تومەندەيدى، ءىشىنارا جەرلەردە 10 سەلتسي گرادۋستان ارتىق تومەندەيدى. 10 – ايدىڭ 30 – كۇنىنەن 31 – كۇنىنە دەيىن چاڭجياڭنىڭ ورتا، تومەنگى اعارىنىڭ سولتۇستىك رايوندارىندا تەمپەراتۋرا 4 تە 8 سەلتسي گرادۋس تومەندەيدى، مۇنىڭ ىشىندە ىشكى موڭعۇلدىڭ ورتا بولەگى مەن وڭتۇستىك بولەگىندەگى ءىشىنارا جەرلەردە 10 سەلتسي گرادۋس اينالاسىندا تومەندەيدى.

10 - ايدىڭ باسىندا، ورتا شەنىندە وڭتۇستىك كورنەكتى جىلى بولدى، الايدا الداعى 10 كۇندە بۇكىل ەلدەگى باسىم كوپ رايونداردىڭ ورتاشا تەمپەراتۋراسى بۇرىنعى جىلدارداعى ۇقساس مەزگىلدەگىدەن 1 تە 3 سەلتسي گرادۋس تومەن بولادى، مۇنىڭ ىشىندە ىشكى موڭعۇلدىڭ ورتا بولەگى، سولتۇستىك جۇڭگونىڭ سولتۇستىك بولەگى، حۋاڭحى - حۋايحى وزەنىنىڭ شىعىس بولەگى، چاڭجياڭ - حانشۇي، چاڭجياڭنىڭ باتىس بولەگى قاتارلى جەرلەردىڭ ءىشىنارا رايوندارىندا 4 تە 5 سەلتسي گرادۋس تومەندەيدى.

ناقتىلاپ ايتقاندا، سۋىق اۋانىڭ ىقپالىنان 10 – ايدىڭ 25 – كۇنىنەن 26 - كۇنىنە دەيىن سولتۇستىكتىڭ اۋا تەمپەراتۋراسى تاعى دا وزگەرەدى، 10 – ايدىڭ 27 – كۇنى چاڭچۇننىڭ ەڭ جوعارى اۋا تەمپەراتۋراسى 5 سەلتسي گرادۋسقا جەتپەي، سوڭعى جارىم جىلدان بەرگى ەڭ سۋىق كۇندىز بولۋى مۇمكىن. جۇڭگونىڭ شىعىس سولتۇستىگىنەن سولتۇستىك جۇڭگوعا دەيىن الداعى جەتى كۇندە ەڭ تومەنگى اۋا تەمپەراتۋراسى جالپى بەتتىك 0 سەلتسي گرادۋسقا جەتپەيدى، شىنياڭدا ەڭ تومەنگى تەمپەراتۋرا نولدەن تومەن 5 سەلتسي گرادۋس اينالاسىندا بولادى، سوندىقتان جىلۋلىق ساقتاۋعا كوڭىل ءبولۋ كەرەك.

كەلۋ قاينارى: حالىق تورابى