وڭتۇستىك شايقاس رايونى اۋە ارمياسىنىڭ اقپارات مالىمدەمەشىسى اۆستراليانىڭ P-8A ءنومىرلى اسكەري ۇشاعىنىڭ جۇڭگونىڭ شيشاعا تاۋەلدى اۋە كەڭىستىگىنە سۇعاناقتىق جاساپ كىرگەنى جونىندە ءسوز جاريالادى 

وڭتۇستىك شايقاس رايونى اۋە ارمياسىنىڭ اقپارات مالىمدەمەشىسى، داشياۋ لي جيانجيان مىنانى ءبىلدىردى: 10 – ايدىڭ 19 – كۇنى، اۆستراليانىڭ P-8A ءنومىرلى اسكەري ۇشاعى جۇڭگو ۇكىمەتىنىڭ رۇقساتىن الماي تۇرىپ، جۇڭگونىڭ شيشاعا تاۋەلدى اۋە كەڭىستىگىنە زاڭسىز سۇعاناقتىق جاساپ كىرگەن، جۇڭگو حالىق ازاتتىق ارمياسى وڭتۇستىك شايقاس رايونى تەڭىز – اۋە ارميا كۇشتەرىن ۇيىمداستىرىپ، زاڭ – تۇزىمگە ساي وكشەلەي باقىلاۋ جۇرگىزىپ، پارمەندى قايتارما شارا قولدانىپ، ەسكەرتۋ بەرىپ قۋالاعان. اۆستراليانىڭ ارەكەتى جۇڭگونىڭ يەلىك ۇقىعىنا اۋىر دارەجەدە سۇعاناقتىق جاساعاندىق، مۇنداي ارەكەت تەڭىز بەن اۋەدە ويلاماعان وقيعانى وڭاي تۋدىرادى. ءبىز اۆستراليا جاققا ۇقىققا قول سۇعۋ جانە ارانداتۋ ارەكەتىن دەرەۋ توقتاتۋدى قاتاڭ ەسكەرتتىك. شايقاس رايونىنداعى قوسىندار قاشان دا ايرىقشا ساقتىق كۇيىندە بولىپ، مەملەكەتتىڭ يەلىك ۇقىعىنىڭ حاۋىپسىزدىگى مەن ءوڭىردىڭ بەيبىتشىلىگىن، ورنىقتىلىعىن باتىل قورعايدى.

كەلۋ قاينارى: حالىق تورابى