شينجياڭدا تۇڭعىش ۇشاق بولشەكتەۋ قىزمەتى ۇرىمجىدە باستالدى 

شينجياڭداعى تۇڭعىش ۇشاق بولشەكتەۋ قىزمەتى 10 – ايدىڭ 15 – كۇنى ۇرىمجىدە باستالدى. بۇل شينجياڭنىڭ اۆياتسيا كاسىپ سالاسى ەكولوگياسىن كەمەلدەندىرۋدەگى ماڭىزدى شارا.

ۇعىسۋعا قاراعاندا، ۇشاقتى بولشەكتەۋ ارقىلى ۇشاقتىڭ تۇتاس تۇلعاسىن ۇساق بولشەكتەرگە اينالدىرىپ، %90 تەن استام بولشەكتەرىنىڭ كۋالاندىرۋدان وتكەن سوڭ جاسىل تيپتى اۆياتسيا ماتەريالدارى رەتىندە قايتادان اينالىم جۇيەسىنە ءوتۋىن ىلگەرىلەتىپ، مۇلىك قۇنىن ەڭ جوعارى دەڭگەيدە پايدالانۋدى جانە بايلىقتان ەڭ ءونىمدى پايدالانۋدى ىسكە اسىرۋعا بولادى.

اتالعان قىزمەت ءتۇرىنىڭ جاۋاپتىسى مىنانى ءبىلدىردى:

وسى رەتكى ۇشاقتى بولشەكتەۋ قىزمەتىنىڭ باستالۋى شينجياڭداعى اۆياتسيا كاسىپ سالاسىنىڭ ”وتكەرمە جولدىق ەكونوميكادان“ ”وزەكتىك ەكونوميكاعا“ قاراي بۇرىلىس جاساپ، دارەجەسىنىڭ جوعارىلاۋىن ىلگەرىلەتەدى، ۇشاق كاسىپ سالاسى تىزبەگىن تولىقتىرۋ ارقىلى اۆياتسيا سالاسىنداعى زات اينالىمى ”اعىس مولشەرىن“ كاسىپ سالاسىن دامىتاتىن ”ارتۋ مولشەرىنە“ اينالدىرادى.

ودان قالسا، ۇشاقتى بولشەكتەۋ قىزمەتىن ورىستەتۋ ارقىلى وڭىرلىك شارپۋ قۋاتىن بارىنشا ارتتىرىپ، ءۇرىمجىنى ءداستۇرلى جولاۋشى جانە جۇك وتكەرمەلەۋ بەكەتىنەن ورتا ازيا وڭىرىنە باعىتتالعان ۇشاق جوندەۋ، اۆياتسيالىق ماتەريالداردى ساۋدالاۋ جانە بۇكىل عۇمىرلىق اينالىمىن باسقارۋ ورتالىعىنا بىردەن جوعارىلاتۋعا بولادى.

ەڭ سوڭىندا، جاسىل اۆياتسيالىق ماتەريالدارىمەن قامداۋ تىزبەگىن قالىپتاستىرۋ ارقىلى اينالمالى شارۋاشىلىق تانىمىن ءامالياتتا ايگىلەپ، كاسىپ سالاسىنىڭ باسەكەلىك قۋاتىن جوعارىلاتۋمەن بىرگە، اۆياتسيا بەكەتى تيپىندەگى زات اينالىمى وزەگىنە باياندى دامۋدىڭ قوزعاۋشى قۋاتىن سيلاۋعا بولادى.

بۇل تىڭ شارا ءۇرىمجىنىڭ نەگىزدىك قىزمەت وتەۋ وزەگىنەن كەمەلدى كاسىپ سالاسى جۇيەسىنە جانە جاڭالىق اشۋ قوزعاۋشى كۇشىنە يە جوعارى ىسكەرلىك دەڭگەيىندەگى وزەك بولۋعا قاراي قادام تاستاعانىن كورسەتەدى. (باس ستانسيا ءتىلشىسى يۇي حاۋدۇڭ)

كەلۋ قاينارى: حالىق تورابى