جۇڭگولىق ساياحاتشى تايلاندتا ساياحاتتاپ جۇرگەندە بىرەۋلەر ونى زات ساتىپ الۋعا زورلاعان 

10 – ايدىڭ 14 – كۇنى، جۇڭگونىڭ تايلاندتا تۇراتىن باس ەلشىلىگى ۇقتىرۋ جاريالاپ بىلاي دەگەن: جۋىردا ينتەرنەتتە جۇڭگولىق ساياحاتشى تايلاندتا ساياحاتتاپ جۇرگەندە بىرەۋلەردىڭ ونى زات ساتىپ الۋعا زورلاعانى جونىندەگى بەينەجازبا تارالدى. ەلشىلىك تايلاندتىڭ ساياحات ساقشى مەكەمەسىنە جانە ساياحات مەكەمەسىنە حابارلاسىپ، قاتىستى جاعدايدى ۇعىستى.

تايلاند جاقتىڭ تەكسەرۋىنشە، اتالعان ساياحات جەتەكشىسىندە جۇڭگونىڭ پاسپورتى بار، تايلاندتا ساياحات جەتەكشىسى بولۋ تولىمدىلىعىن الماعان. ول ساياحاتشىلاردى زات ساتىپ الۋعا زورلاپ، ساياحاتشىلاردىڭ تۇتىنۋ مولشەرىنە قاراي ساتۋشىدان ۇلەس الۋدى ويلاعان، تايلاند جاق وسى ىسكە قاتىستى ساياحات سەرىكتەستىگىنە تەكسەرۋ جۇرگىزىپ، جاۋاپكەرشىلىگىن قۋزاستىرعان.

تايلاندتا تۇراتىن ەلشىلىك تايلاندقا باراتىن بارشا ساياحاتشىلارعا مىنانى ەسكەرتەدى: ”ەرەكشە ارزان باعادا ساياحاتتاۋ“ دەگەنگە سەنە كەتپەي، ساياحاتقا شىققاندا شەكارادان شىعارىپ ساياحاتتاتۋ تولىمدىلىعى بار، سەنىمدى ساياحات سەرىكتەستىكتەرى مەن باعاسىنا ساپاسى لايىقتى ساياحات تۇرلەرىن تاڭداپ، رەسمي توقتام جاساعانىڭىز ءجون. تايلاندتىڭ قاتىستى زاڭدارىنا ساي، شەتەل ازاماتتارىنىڭ تايلاندتا ساياحات جەتەكشىسى قىزمەتىمەن شۇعىلدانۋىنا بولمايدى. ەگەر داۋ – شار تۋىلسا، ۇقىعىڭىزدى قورعاۋ بارىسىندا بايسالدى بولىڭىز، ىسپاتتاردى ساقتاڭىز ءارى دەر كەزىندە تايلاند ساياحات ساقشىلارى توتە لەنياسى 1155 كە نەمەسە ەلشىلىكتىڭ كونسۋلدىق قورعاۋ تەلەفونى 7010-245-02 تەلەفونىنا حابارلاسىپ كومەك سۇراڭىز. (باس ستانسيا ءتىلشىسى سۇڭ حۋانيۇي)

كەلۋ قاينارى: حالىق تورابى