شينجياڭنىڭ جاراتىلىستىق اپاتتاردان ساقتاندىرۋ ينفورماتسياسىن نىسانالى تۇردە جاريالاۋ تەكشەسى جالپى بەتتىك ىسكە قوسىلدى

تاياۋدا شينجياڭنىڭ جاراتىلىستىق اپاتتاردان ساقتاندىرۋ ينفورماتسياسىن نىسانالى تۇردە جاريالاۋ تەكشەسى جالپى بەتتىك ىسكە قوسىلىپ، بۇقارانىڭ حاۋىپسىزدىگىن قورعاۋعا بەرىك قورعانىس شەبىن بەكەمدەدى.

بۇل تەكشەنى شينجياڭ ۇيعۇر اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى قاتىستى تاراۋلارمەن، نەگىزدىك تەلەگراف كاسىبىمەن شۇعىلداناتىن كاسىپورىندارمەن بىرگە قۇرعان، قاتىستى تاراۋلاردىڭ ىقپالعا ۇشىراعان وڭىردەگى الەۋمەتكە ساقتاندىرۋ ينفورماتسياسىن نەمەسە حاۋىپ ـ قاتەر ەسكەرتۋىن تەز، دالمە - ءدال جاريالاۋىنا قولدانىلادى. جاريالانعان ساقتىق ينفورماتسياسى نەمەسە حاۋىپ - قاتەر ەسكەرتۋى ءبىرتۇتاس ارناعا ءتۇسىرۋ ەرەكشەلىگىنە يە بولىپ، ءبىرتۇتاس ”اپات حاۋىپ - قاتەرىنەن ساقتاندىرۋ“ دەپ قول قويادى، ءارقايسى ساقتىق ينفورماتسياسىن جاريالايتىن فۋنكسيالىق تاراۋلار تياناقتاندىرادى، ارناۋلى تەرمينال ءنومىرى ارقىلى ءبىرتۇتاس جولدانادى، مازمۇنى ساقتىق دابىلى ءتۇرى، دارەجەسى، باستالۋ ۋاقىتى قاتارلى كوپ ءتۇرلى شەشۋشى ينفورماتسيالاردى قامتيدى.

شينجياڭنىڭ جاراتىلىستىق اپاتتاردان ساقتاندىرۋ ينفورماتسياسىن نىسانالى تۇردە جاريالاۋ تەكشەسىنىڭ جالپى بەتتىك ىسكە قوسىلۋى — شينجياڭنىڭ جاراتىلىستىق اپاتتاردان ساقتاندىرۋ سالاسىندا نىق قادام تاستاعاندىعىن ايگىلەپ، جاراتىلىستىق اپاتتاردىڭ تۋىلۋىنان جانە ونىڭ زيانىنان ەڭ زور دارەجەدە ساقتانۋدا جانە ونى ازايتۋدا ماڭىزدى رول اتقارادى.

كەلۋ قاينارى: حالىق تورابى