10 – ايدىڭ 26 – كۇنىنەن باستاپ، ۇرىمجىدەن توتە قاتىنايدى

جولاۋشىلاردىڭ ءجۇرىس – تۇرىس قاجەتىن قاناعاتتاندىرىپ، اۋە جەلىسى تورىن ورنالاستىرۋدى اناعۇرلىم جاقسارتۋ ءۇشىن، تيانجين اۆياتسيا سەرىكتەستىگى 10 – ايدىڭ 26 – كۇنىنەن باستاپ، ۇرىمجىدەن حاڭجوۋعا توتە ۇشاتىن اۋە جەلىسىن قايتادان اشادى، ءبىر باعىتتاعى ۇشۋ مەرزىمى جول ورتادا ايالداپ ۇشاتىن اۋە جەلىسىمەن سالىستىرعاندا 3 ساعات قىسقارادى. بۇل اۋە جەلىسىنىڭ اشىلۋى ەكى جەردەگى جانە اۋە جەلىسىنىڭ بويىنداعى وڭىرلەردەگى جولاۋشىلاردىڭ اۋە جەلىسىمەن ساپارلاۋىنا اناعۇرلىم قولايلى، ءونىمدى تالعام ازىرلەيدى.

وسى رەت قالپىنا كەلتىرىلگەن ءۇرىمجى – حاڭجوۋ اۋە جەلىسىندە A320 تۇرپاتى ۇشاق مىندەت اتقارادى، جوسپار بويىنشا كۇنىنە ءبىر كەزەك قاتىنايدى. GS7521 حاڭجوۋعا باراتىن كەزەكشى ۇشاق ساعات 13 تەن 50 مينۋتتا ۇرىمجىدە اۋەجايدان اتتانىپ، ساعات 18 دەن 45 مينۋت وتكەندە حاڭجوۋعا جەتەدى؛ حاڭجوۋدان قايتاتىن GS7522 كەزەكشى ۇشاق ساعات 11 دەن 25 مينۋت وتكەندە حاڭجوۋدا اۋەجايدان اتتانىپ، ساعات 17 دە ۇرىمجىگە جەتەدى. اۋە جەلىسى اشىلعان العاشقى مەرزىمدە، ۇرىمجىدەن حاڭجوۋعا باراتىن ءبىر باعىتتاعى بەلەت باعاسى مەجەمەن 1130 يۋاننان (باجىنى قامتىمايدى) جوعارى بولادى، حاڭجوۋدان ۇرىمجىگە باراتىن ءبىر باعىتتاعى بەلەت باعاسى شامامەن 850 يۋاننان (باجىنى قامتىمايدى) جوعارى بولادى.

كەلۋ قاينارى: حالىق تورابى