بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.13 15:02
2026 – جىلعى ءۇرىمجى قالاسىنىڭ قالا - اۋىل تۇرعىندارىنىڭ نەگىزگى ەمدەۋ قامسىزداندىرۋى (تومەندە قىسقارتىلىپ «تۇرعىنداردىڭ ەمدەۋ قامسىزداندىرۋى» دەلىنەدى) قازىر قامسىزداندىرۋعا قاتىناسۋ اقىسىن شوعىرلى تاپسىرۋ مەزگىلىنە ءوتتى، جەكەلەردىڭ اقى تاپسىرۋ ولشەمى ءار ادامعا جىلىنا 440 يۋان (ۇزاق ۋاقىت كۇتىمدەۋ قامسىزداندىرۋ اقىسى 40 يۋاندى قامتيدى)، اقى تاپسىرۋ ۋاقىتى 2025 – جىلى 9 – ايدىڭ 1 - كۇنىنەن 2026 – جىلى 1 – ايدىڭ 10 - كۇنىنە دەيىن.
ءۇرىمجى قالاسى تۇرعىندارىنىڭ ەمدەۋ قامسىزداندىرۋى جۇمىسشى - قىزمەتكەرلەردىڭ ەمدەۋ قامسىزداندىرۋىنا قاتىناسۋعا ءتيىستى ادامدار مەن بەلگىلەمە بويىنشا باسقا دا قامتاماسىزداندىرىلاتىن ادامداردان باسقا بارلىق قالا، اۋىل تۇرعىندارىن قامتيدى، بۇل شينجياڭ نوپوسىنداعى نەمەسە وسى قالاداعى قونىستانۋ كۋالىگى بار، جۇمىسشى - قىزمەتكەرلەردىڭ ەمدەۋ قامسىزداندىرۋىنا قاتىناسپاعان ادامداردى، جوعارى، ورتا تەحنيكۋم مەكتەپتەرىندەگى جانە ورتا، باستاۋىش مەكتەپتەردەگى وقۋشىلاردى، جاڭا تۋىلعان بالالاردى، سونداي – اق «شەتەلدىكتەردىڭ ماڭگىلىك قونىستانۋ كۋالىگىن» العان سول قالادا قونىستانعان، ءبىراق جۇمىسقا ورنالاسپاعان شەتەلدىكتەردى قامتيدى.
ەمدەۋ - قۇتقارۋ وبيەكتىلەرىن تۇرگە ءبولىپ قامسىزداندىرۋعا قاتىناستىرىپ، قارجىلاي كومەك بەرىلدى، ەرەكشە قيىنشىلىعى بارلارعا (جەتىم بالالاردى قامتيدى) تولىق سومادا قارجىلاي كومەك بەرىلدى، ەڭ تومەنگى تۇرمىسى قامتاماسىزداندىرىلاتىن وبيەكتىلەردىڭ جەكە ءوزى 108 يۋان (ۇزاق مەرزىمدى قامسىزداندىرۋ قاراجاتى 8 يۋاندى قامتيدى) تاپسىرادى.
2026 – جىلعى ءۇرىمجى تۇرعىندارىنىڭ ەمدەۋ قامسىزداندىرۋ مامىلەسىنەن يگىلىكتەنۋ مەزگىلىندە مىناداي ايقىن بەلگىلەمە بار: 2025 - جىلدان باستاپ ءۇرتىس قامسىزداندىرۋعا قاتىناسقان ءارى شوعىرلى اقى تاپسىرۋ مەزگىلىندە اقى تاپسىرعان تۇرعىندار 2026 - جىلى تۇتاس جىلدا ەمدەۋ قامسىزداندىرۋ مامىلەسىنەن قالىپتى يگىلىكتەنە الادى.
كەلۋ قاينارى: حالىق تورابى
