ساۋدا مينيسترلىگى ا ق ش – نىڭ جۇڭگونىڭ ناقتى تۇلعالارىن ەكسپورتتى باسقارۋ – تەجەۋ ”ناقتى تۇلعالار تىزىمدىگىنە“ ەنگىزگەنى جونىندە جاۋاپ قايتاردى 

جۇڭگو اقپارات اگەنتتىگىنىڭ ءتىلشىسى يىن چيانيۇن 10 – ايدىڭ 10 – كۇنى بەيجيڭنەن حابارلايدى. ا ق ش – نىڭ جۇڭگونىڭ ناقتى تۇلعالارىن ەكسپورتتى باسقارۋ – تەجەۋ ”ناقتى تۇلعالار تىزىمدىگىنە“ ەنگىزگەنى جونىندە، جۇڭگو ساۋدا مينيسترلىگىنىڭ مالىمدەمەشىسى 10 – ايدىڭ 10 – كۇنى مىنانى ءبىلدىردى: جۇڭگو جاق قاجەتتى شارالاردى قولدانىپ، جۇڭگونىڭ ناقتى تۇلعالارىنىڭ زاڭدى ۇقىق – مۇددەسىن قورعايدى.

ا ق ش – نىڭ شىعىس بولىك ۋاقىتى بويىنشا 2025 – جىلى 10 – ايدىڭ 8 – كۇنى، ا ق ش ساۋدا مينيسترلىگى جۇڭگونىڭ ناقتى تۇلعالارىن ەكسپورتتى باسقارۋ – تەجەۋ ”ناقتى تۇلعالار تىزىمدىگىنە“ ەنگىزەتىنىن جاريالاعان.

مالىمدەمەشى بىلاي دەدى: جۇڭگو جاق قاتىستى جاعدايلارعا نازار اۋداردى. ا ق ش جاق مەملەكەت حاۋىپسىزدىگى دەگەن ۇعىمنىڭ كولەمىن ۇزدىكسىز شەكتەن تىس كەڭەيتىپ، ەكسپورتتى باقىلاۋ – تەجەۋ شارالارىن الباتى پايدالانىپ، الىستان باسقارۋ شارالارىن الباتى قولدانىپ، جۇڭگو كاسىپورىندارىن قامتىعان ناقتى تۇلعالارعا پەنەتراتيۆتى جازالاۋ شارالارىن قولداندى. ا ق ش جاقتىڭ بۇل ارەكەتى كاسىپورىنداردىڭ زاڭدى ۇقىق – مۇددەسىنە اۋىر زيان جەتكىزىپ، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ حاۋىپسىزدىگىن جانە ورنىقتىلىعىن ءبۇلدىردى، جۇڭگو جاق بۇعان قاتاڭ قارسى تۇرادى.

مالىمدەمەشى مىنانى ءبىلدىردى: جۇڭگو ا ق ش جاقتى قاتە ءتاسىلىن تەز ارادا وزگەرتۋگە قۋزايدى ءارى قاجەتتى شارالاردى قولدانىپ، جۇڭگونىڭ ناقتى تۇلعالارىنىڭ زاڭدى ۇقىق – مۇددەسىن باتىل قورعايدى.

كەلۋ قاينارى: حالىق تورابى