جۇڭگو تەڭىز ساقشىلارى مەڭگەرمەسى فيليپپيننىڭ كەمەسىنىڭ تيەشيان مارجان قۇزىنا سۇعاناقتىق جاساپ كىرگەنى جونىندە جاۋاپ قايتاردى: زاڭ بويىنشا باسقارۋ – تەجەۋ شارالارىن اتقارىپ، باتىلدىقپەن قۋالادى 

جۇڭگو اقپارات تورابىنىڭ 10 – ايدىڭ 12 – كۇنى بەرگەن حابارى. جۇڭگو تەڭىز ساقشىلارى مەڭگەرمەسى رەسمي ۋيشين تەكشەسىنىڭ حابارلاۋىنشا، جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى فيليپپيننىڭ تيەشيان مارجان قۇزىنا سۇعاناقتىق جاساپ كىرگەنى جونىندە ءسوز جاريالادى.

جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى ليۋ دۇجۇن مىنانى ءبىلدىردى: 10 – ايدىڭ 12 – كۇنى، فيليپپيننىڭ 3002 – ءنومىرلى، 3003 – ءنومىرلى ۇكىمەت قىزمەتى كەمەلەرى جۇڭگو ۇكىمەتىنىڭ رۇقساتىن الماي تۇرىپ، جۇڭگونىڭ نانشا توپ ارالىنداعى تيەشيان مارجان قۇزىنىڭ ماڭىنداعى تەڭىز الابىنا زاڭسىز باسا - كوكتەي كىرگەن. ساعات 9 دان 19 مينۋت وتكەندە، فيليپپيننىڭ 3003 – ءنومىرلى كەمەسى جۇڭگو جاقتىڭ كوپ رەتكى قاتاڭ ەسكەرتۋىن كاپەرىنە الماي، جۇڭگو جاقتىڭ قالىپتى ۇقىق قورعاۋ، زاڭ اتقارۋ مىندەتىن اتقارىپ جۇرگەن تەڭىز ساقشىلارى 21559 – قايىعىنا قاتەرلى تۇردە جاقىنداپ، سۇيكەلىپ سوعىلعان، جاۋاپكەرشىلىك بۇكىلدەي فيليپپين جاقتا. جۇڭگو تەڭىز ساقشىلارى فيليپپيننىڭ كەمەلەرىنە زاڭ بويىنشا باسقارۋ – تەجەۋ شارالارىن قولدانعان ءارى باتىلدىقپەن قۋالاعان، ءىس تۋىلعان جەردە قولدانعان شارالارى كاسىپتىك دەڭگەيدە، جۇيەلى، ۇيلەسىمدى، زاڭدى بولعان.

جۇڭگونىڭ تيەشيان مارجان قۇزىن قامتىعان نانشا توپ ارالىنا جانە ونىڭ ماڭىنداعى تەڭىز الابىنا بولعان يەلىك ۇقىعىنا تالاس جۇرمەيدى. فيليپپيننىڭ ارەكەتى جۇڭگونىڭ تەرريتوريالىق يەلىك ۇقىعىنا اۋىر دارەجەدە سۇعاناقتىق جاساعاندىق، «نانحاي تەڭىزىندەگى ءارقايسى جاقتاردىڭ ارەكەتى جونىندەگى مالىمدەمەگە» قايشى كەلەدى، نانحاي تەڭىزىنىڭ بەيبىتشىلىگى مەن ورنىقتىلىعىن بۇلدىرەدى. ءبىز فيليپپين جاققا ۇقىققا قول سۇعىپ، پالە شىعارۋىن دەرەۋ توقتاتۋدى باتىل ەسكەرتتىك. جۇڭگو تەڭىز ساقشىلارى جۇڭگونىڭ باسقارۋىنداعى تەڭىز الابىندا ۇقىقتى قورعاپ، زاڭ اتقارۋ ارەكەتىن زاڭ بويىنشا ورىستەتەدى.

كەلۋ قاينارى: حالىق تورابى