جارىسقا اتتاندى! 15 – كەزەكتى مەملەكەتتىك سپورت جارىسىنا قاتىناساعاتىن شينجياڭ دەنە تاربيە ۋاكىلدەر ۇيىرمەسى قۇرىلدى

10 – ايدىڭ 14 – كۇنى، 15 - كەزەكتى مەملەكەتتىك سپورت جارىسىنا قاتىناساتىن شينجياڭ دەنە تاربيە ۋاكىلدەر ۇيىرمەسى قۇرىلدى جانە سەرت بەرۋ جينالىسى اشىلدى، ىرىكتەۋ شەشۋشى جارىسىنا قاتىناساتىن 252 سپورتشى شينجياڭ اتىنان 11 - ايدىڭ 9 - كۇنىنەن 21 - كۇنىنە دەيىن گۋاڭدۇڭ - شياڭگاڭ - اۋمىن ۇلكەن شىعاناق رايونىندا وتەتىن مەملەكەتتىك سپورت جارىسىنا قاتىناسادى.

وسى كەزەكتى مەملەكەتتىك سپورت جارىسى باسەكەلىك سپورت جانە بۇقارالىق دەنە تاربيە سىندى 2 ۇلكەن بولىككە بولىنەدى، شينجياڭ ساڭلاقتارى تولىمدىلىق جارىسىندا قيان - كەسكى سايىستى، 174 سپورتشى 15 ۇلكەن ءتۇر، 60 شاعىن ءتۇر بويىنشا ونەر سالىستىرۋ جارىسىنا قاتىناسادى، 78 سپورتشى 9 ۇلكەن ءتۇر، 10 شاعىن ءتۇر بويىنشا بۇقارالىق دەنە تاربيە شەشۋشى جارىسىنا قاتىناسادى. شينجياڭنان تاعى 9 سپورتشى شانشي، سىچۋان جانە شينجياڭ ءوندىرىس ـ قۇرىلىس بيڭتۋانى قاتارلى ورىندار اتىنان شەشۋشى جارىس تولىمدىلىعىنا يە بولدى، 4 تورەشى 2 نىسان بويىنشا مەملەكەتتىك سپورت جارىسىنىڭ شەشۋشى جارىسىنىڭ تورەشىلەرىنىڭ قاتارىنان ورىن الادى، ولار وسى رەتكى جارىستا تورەشى بولادى.

4 جىلدان بەرى، شينجياڭ دەنە تاربيەسى ”ۇسىنىس ەتۋ، سىرتقا شىعارۋ“ ارقىلى ناقتى قۋاتىن ارتتىرىپ، شەتەلدىك 12 جاتتىقتىرۋشىنى ساباق وتۋگە ۇسىنىس ەتىپ، شينجياڭعا كومەكتەسۋ ساياساتىنان پايدالانىپ، دامىعان ولكەلەرمەن بىرلەسىپ كوماندا تاربيەلەدى، سونداي ـ اق ”جۇلدىز تاڭداۋ جوسپارى“ ارقىلى جىلدىق شوعىرلى جاتتىقتىرىلاتىن سپورتشىلاردى 300 نەشە ادامنان 500 نەشە ادامعا كەڭەيتتى. پاريج وليمپيادا سپورت جارىسى، حاڭجوۋ ازيا سپورت جارىسى قاتارلى جارىستاردا 22 مەملەكەتتىك سپورتشى 7 التىن مەدال، 6 كۇمىس مەدال، 7 قولا مەدال الدى، 14 ـ كەزەكتى قىسقى سپورت جارىسىندا 8 التىن مەدال، 15 كۇمىس مەدال، 12 قولا مەدال الۋداي تاماشا ناتيجەگە قول جەتكىزدى.

قازىر ۋاكىلدەر ۇيىرمەسى بار كۇشپەن جارىسقا دايىندالۋدا، مۇنىڭ ىشىندە جۇڭگوشا كۇرەس نىسانى شينجياڭ دەنە تاربيە ۋاكىلدەر ۇيىرمەسىنىڭ 10 ـ رەتكى سپورت جارىسىنىڭ تۇڭعىش التىن مەدالىن الدىمەن الدى.

كەلۋ قاينارى: حالىق تورابى