سولتۇستىك شينجياڭنىڭ، شىعىس شينجياڭنىڭ اۋا تەمپەراتۋراسى ۇزدىكسىز تومەندەيدى، قىراۋ ۇسىگى مەن جولعا مۇز قاتۋدان ساقتانۋعا كوڭىل بولىڭىزدەر

10 - ايدىڭ 15 - كۇنى تۇننەن 16 - كۇنى كۇندىزگە دەيىن قۇمىل قالاسىنىڭ ءىشىنارا وڭىرلەرىندە سەبەزگى جاڭبىر نەمەسە قار جاۋادى، ءىشىنارا وڭىرلەردە ورتاشا جانە قالىڭ جاڭبىر نەمەسە قار جاۋادى؛ شىعىس شينجياڭدا باتىس سولتۇستىكتەن 5 بال شاماشىندا جەل سوعادى، جەل وتتەرىندە 8 دە 9 بالعا جەتەدى؛ وڭتۇستىك شينجياڭ ويپاتىنىڭ شىعىس بولەگىندە قيىس شىعىستان 5 بال اينالاسىندا جەل سوعادى، ءىشىنارا وڭىرلەردە قۇمدى بوران سوعادى.

10 - ايدىڭ 15 - كۇنى تۇننەن 16 - كۇنى كۇندىزگە دەيىن ءۇرىمجىنىڭ باسىم كوپ جەرىندە كۇن اشىق نەمەسە بۇلتتى بولادى، جەل كۇشى زور بولمايدى، دابانچىڭ رايونىندا قيىس باتىستان 8 بال اينالاسىندا بوران سوعادى، وتكىنشى جەل كۇشى 8 بال اينالاسىندا بولادى، اۋا تەمپەراتۋراسى ءبىرشاما تومەن بولادى.

قازىر، شينجياڭ اۋا رايى ستانسياسى 10 – ايدىڭ 12 - كۇنى جاريالاعان نوسەردەن ساقتانۋدىڭ كوك ءتۇستى ساقتىق سيگنالى، 10 ـ ايدىڭ 13 ـ كۇنى جاريالانعان قىراۋ ۇسىگىنەن ساقتانۋدىڭ كوك ءتۇستى ساقتىق سيگنالى جانە جولعا مۇز قاتۋدان ساقتانۋدىڭ سارى ءتۇستى ساقتىق سيگنالى ۇزدىكسىز كۇشكە يە بولادى. مۇنان سىرت، سانجى وبلىسى، سونداي – اق سونىڭ قاراستىلىعىنداعى شونجى اۋدانى، موري قازاق اۆتونوميالى اۋدانى قاتارلى كوپتەگەن اۋداندىق، قالالىق اۋا رايى ستانسيالارى قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى، قۇمىل قالاسى يجوۋ رايوندىق اۋا رايى ستانسياسى قالىڭ قاردان ساقتانۋدىڭ كوك ءتۇستى سيگنالىن قالىڭ قاردان ساقتانۋدىڭ سارى ءتۇستى ساقتىق سيگنالىنا وزگەرتتى.

اۋا رايى تاراۋلارى مىنانى ەسكەرتتى: جاڭبىرلى، قارلى اۋا رايىندا جول تايعاق كەلەدى، ءىشىنارا جول بولەكتەرىندە مۇز قاتىپ، كورۋ دارەجەسى ناشارلايدى، ساياحات پەن قاتىناس تاسىمالىنا ءتيىمسىز ىقپال جاسايدى. سولتۇستىك شينجياڭنىڭ، شىعىس شينجياڭنىڭ باسىم كوپ جەرىنىڭ تەمپەراتۋراسى ءبىرشاما تومەن بولادى، سۋىقتان ساقتانىپ، جىلۋ ساقتاۋعا كوڭىل ءبولۋ كەرەك.

كەلۋ قاينارى: حالىق تورابى