مەكسيكادا نوسەردەن قازا بولعانداردىڭ سانى 64 ادامعا جەتتى

شينحۋا اگەنتتىگىنىڭ 10 – ايدىڭ 13 – كۇنى مەكسيكادان بەرگەن حابارى. مەكسيكا مەملەكەتتىك حالىقتىق قورعانىستى سايكەستىرۋ مەكەمەسىنىڭ جاۋاپتىسى لاۋرا بەلاسكەس 10 – ايدىڭ 13 - كۇنى ەڭ جاڭا اپات جاعدايىن جاريالادى، مەكسيكانىڭ ورتا بولەگى مەن شىعىس بولەگىندەگى رايونداردا 10 – ايدىڭ 6 – كۇنىنەن 9 – كۇنىنە دەيىن نوسەر جاۋىپ، 64 ادام قازا بولىپ، 65 ادام ءىز – توزسىز كەتتى.

بەلاسكەس سول كۇنى كەسكىن ارقىلى مەكسيكانىڭ زۇڭتۇڭى شينباۋمۋدىڭ كەزەكتى تىلشىلەر ماجىلىسىنە قاتىناسقان كەزدە بىلاي دەدى: وسى رەتكى نوسەر وزەن ارناسىنان اسىپ تاسقىن اپاتىن تۋدىردى، اۋىر ىقپال تۋدىرعان باستى سەبەپ وسى.

بەلاسكەس بىلاي دەدى: ۆەراكرۋس وبلىسىندا اپات ەڭ اۋىر بولىپ، 29 ادام قازا بولىپ، 18 ادام ءىز - توزسىز كەتتى، 40 قالا - قالاشىق ۇقساماعان دارەجەدە اپاتقا ۇشىرادى. يدارگو شتاتىنان 21 ادام قازا بولدى، پۋەبرا شتاتىنان 13 ادام قازا بولدى، كرەتارو شتاتىنان ءبىر ادام قازا بولدى. كەزەكتە قۇتقارۋ قىزمەتى جانە اپاتقا ۇشىراعان بۇقاراعا كومەك بەرۋ قىزمەتى جالعاستى ءجۇرىلىپ جاتىر.

شينباۋمۋ تىلشىلەردى قابىلداۋ جينالىسىندا بىلاي دەدى: العاشقى مەجەگە قاراعاندا اپات سەبەبىنەن 100 مىڭعا جۋىق تۇرعىن ءۇي زيانعا ۇشىرادى، مەكسيكا فەدەراتسيالىق ۇكىمەتى جەرگىلىكتى ۇكىمەتپەن سايكەسىپ، اپاتقا ۇشىراعان بۇقارانى قۇتقارىپ، نەگىزدىك قۇرىلعىلار مەن نەگىزگى قىزمەت وتەۋدى قالپىنا كەلتىرۋدى ىلگەرىلەتۋدە.

كەلۋ قاينارى: حالىق تورابى