وسى اپتادا بۇكىل شينجياڭنىڭ باسىم كوپ ساندى جەرىندە جاڭبىر جاۋىپ، بوران سوعىپ، تەمپەراتۋرا تومەندەيدى

10 – ايدىڭ 13 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، ءبىرشاما كۇشتى سۋىق اعىستىڭ ىقپالىنان، وسى اپتادا (13 - كۇنىنەن 19 - كۇنىنە دەيىن) شينجياڭدا جاڭبىر - قار جاۋىپ، تەمپەراتۋرا تومەندەيدى، بوران سوعىپ، قىراۋ ۇسىگى جۇرەدى، شاڭ – توزاڭ بولادى. 10 ـ ايدىڭ 13 ـ كۇنى تۇننەن 15 ـ كۇنى تۇنگە دەيىن، سولتۇستىك شينجياڭنىڭ باسىم كوپ جەرىندە، قۇمىل قالاسىنىڭ سولتۇستىك بولىگى قاتارلى جەرلەردە جەر بەتىنىڭ ەڭ تومەنگى تەمپەراتۋراسى 0 سەلتسي گرادۋستان تومەندەپ، ۇقساماعان دارەجەدە قىراۋ ۇسىگى پايدا بولادى. شينجياڭ اۋا رايى ستانسياسى 10 – ايدىڭ 13 – كۇنى تۇستەن بۇرىن قىراۋ ۇسىگى جونىندە كوك ءتۇستى ساقتىق سيگنالىن جانە جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن ىركەس ـ تىركەس جاريالاپ، جەر ـ جەردىڭ، تاراۋلاردىڭ جانە بۇقارانىڭ الدىن الا ساقتانۋىن ەسكەرتتى.

الدىن الا مالىمەتتە كورسەتىلۋىنشە ، العاشقى كەزەكتى اۋا رايى وزگەرىسى 10 – ايدىڭ 13 – كۇنى كۇندىزدەن 15 - كۇنى كۇندىزگە دەيىن بولىپ، كەڭ كولەمدە جاۋىن - شاشىن، تەمپەراتۋرا تومەندەۋ جانە قىراۋ ۇسىگى نەگىز ەتىلەدى. سولتۇستىك شينجياڭنىڭ باسىم كوپ جەرىندە، اقسۋ ايماعىنىڭ سولتۇستىگىندەگى تاۋلى وڭىرلەردە، تۇرپان قالاسىنىڭ سولتۇستىگىندەگى تاۋلى وڭىرلەردە، قۇمىل قالاسى قاتارلى جەرلەردە سەبەزگى جاڭبىر نەمەسە جاڭبىر ارالاس قار جاۋادى، ورتاشا، بيىك تاۋلى وڭىرلەردە قار جاۋادى. جوعارىدا ايتىلعان ءىشىنارا وڭىرلەردە ورتاشا جانە قالىڭ جاڭبىر نەمەسە قار جاۋادى، ءىشىنارا رايونداردا نوسەر نەمەسە قار جاۋۋى مۇمكىن. جاۋىن - شاشىنمەن بىرگە، جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندەگى جەل كۇشى 8 دە 9 بال بولادى. وسى رەتكى اۋا رايى وزگەرىسىندە، سولتۇستىك شينجياڭنىڭ باسىم كوپ بولەگى مەن قۇمىل قالاسىنىڭ سولتۇستىگىندەگى ەڭ تومەنگى اۋا تەمپەراتۋراسى 5 تە 8 سەلتسي گرادۋس تومەندەيدى ءارى قىراۋ ۇسىگى پايدا بولادى.

سونىمەن بىرگە، 10 - ايدىڭ 15 - كۇنى كۇندىزدەن 16 - كۇنى كۇندىزگە دەيىن، وڭتۇستىك شينجياڭ ويپاتىنىڭ شىعىس بولەگىندە قيىس شىعىستان 4 تە 5 بال جەل سوعادى، ءىشىنارا وڭىرلەردە قۇمدى بوران سوعۋى مۇمكىن.

ەكىنشى رەتكى اۋا رايى وزگەرىسى 10 – ايدىڭ 16 - كۇنى تۇستەن كەيىننەن 18 - كۇنى كۇندىزگە دەيىن بولىپ، وڭىرلىك قيىس شىعىس جەلى نەگىز ەتىلەدى. تارباعاتاي ايماعىنىڭ سولتۇستىگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك ىرگەسىنەن دابانچىڭ وڭىرىنە دەيىن، سانجى وبلىسىنىڭ شىعىس بولەگى قاتارلى جەرلەردە قيىس شىعىستان 5 بال شاماسىندا جەل سوعادى. مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەلدى ءوڭىرى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە جەل كۇشى ەرەكشە كۇشتى بولادى، مەجەمەن 8 دە 9 بال بولادى.

كەلۋ قاينارى: حالىق تورابى