ىشكى موڭعۇل اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار شۋجيى، ورىنباسار مەڭگەرۋشىسى ۋاڭ بونىڭ پارا الۋ دەلوسىنا ءبىرىنشى سوتتا ۇكىم شىعارىلدى

شينحۋا اگەنتتىگىنىڭ 10 ـ ايدىڭ 14 ـ كۇنى ۋحاننان بەرگەن حابارى. 2025 ـ جىلى 10 ـ ايدىڭ 14 ـ كۇنى حۋبەي ولكەسى يچاڭ قالالىق ورتا دارەجەلى حالىق سوت مەكەمەسى ءبىرىنشى سوتتا ىشكى موڭعۇل اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار شۋجيى، ورىنباسار مەڭگەرۋشىسى ۋاڭ بونىڭ پارا الۋ دەلوسىنا اشىق ۇكىم شىعارىپ، ايىپكەر ۋاڭ بونى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقاراتىن بولدى، ساياسي ۇقىعىنان ماڭگى ماحۇرىم ەتۋ ءارى ونىڭ بارلىق مال – مۇلكى ءمۇسادىرالاۋ، ءولىم جازاسىنا ۇكىم ەتىلىپ، 2 جىل كەشىكتىرىپ اتقارۋ مەرزىمى تولىپ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى؛ دەلوعا الىنعان ۋاڭ بونىڭ قىلمىس وتكىزىپ تاپقان مال - مۇلكى مەن ونىڭ ءوسىمىن زاڭ بويىنشا مەملەكەت قازىناسىنا تاپسىرادى، جەتپەگەن بولەگىن جالعاستى قۋزاپ قايتارىپ الادى.

تەكسەرۋ ارقىلى مىنالار انىقتالدى: 2003 - جىلدىڭ العاشقى جارىمىنان 2024 – جىلى 5 - ايعا دەيىن، ايىپكەر ۋاڭ بو ىشكى موڭعۇل اۆتونوميالى رايونى چىفىڭ قالالىق پارتكومنىڭ تۇراقتى مۇشەسى، ورىنباسار قالا باستىعى، قوسىمشا قالالىق قالا نەگىزدىك قۇرىلعىلارىنا قارجى قوسۋ، اشۋ شەكتى سەرىكتىگىنىڭ باس جوراسى، چىفىڭ قالالىق پارتكومنىڭ ورىنباسار شۋجيى، قوسىمشا قالالىق قالا نەگىزدىك قۇرىلعىلارىنا قارجى قوسۋ، اشۋ شەكتى سەرىكتىگىنىڭ باس جوراسى، باۋتوۋ قالالىق پارتكومنىڭ تۇراقتى مۇشەسى، ورىنباسار قالا باستىعى، باياننور قالالىق پارتكومنىڭ ورىنباسار شۋجيى، قالا باستىعى، كوكحوت قالالىق پارتكومنىڭ ورىنباسار شۋجيى، قالا باستىعى، ىشكى موڭعۇل اۆتونوميالى رايوندىق ۇكىمەت پارتگرۋپپاسىنىڭ مۇشەسى، ورىنباسار ءتوراعاسى، ىشكى موڭعۇل اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ ورىنباسار شۋجيى، ورىنباسار مەڭگەرۋشىسى قاتارلى قىزمەت قولايلىلىعىنان پايدالانىپ، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ، باسقا دا مەملەكەت قىزمەتكەرلەرىنىڭ مىندەت ارەكەتى ارقىلى قاتىستى ورىندار مەن جەكەلەردىڭ كاسىپورىن تيجاراتى، قۇرىلىستى كوتەرىپ الۋ، مىندەتىن رەتتەۋ قاتارلى ىستەرىنە كومەك كورسەتىپ، جوعارىدا ايتىلعان ورىندار مەن جەكەلەردەن العان مال - مۇلىكتەرى حالىق اقشاسىنا سىندىرعاندا جيىنى 449 ميلليون يۋاننان اسقان.

ي - چاڭ قالالىق ورتا دارەجەلى حالىق سوت مەكەمەسى بىلاي دەپ قارادى: جاۋاپكەر ۋاڭ بونىڭ ارەكەتى پارا الۋ قىلمىسىن قالىپتاستىرعان، ونىڭ پاراعا العان سوماسى توتەنشە كوپ، قىلمىس سالماعى ەرەكشە اۋىر، قوعامدىق ىقپالى ەرەكشە ناشار، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتقان، قىلمىس بويىنشا ءولىم جازاسىنا ۇكىم ەتۋ كەرەك. ونىڭ ەلەۋلى ەڭبەك كورسەتۋ بەينەسى، پارا الۋ قىلمىسىندا جۇزەگە اسپاعان جايتتەر بار، دەلو تۋىلعاننان كەيىن قىلمىسىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن ءىشىنارا پارا الۋ فاكتىلەرىن ىرىقتىلىقپەن تاپسىرىپ، قىلمىسىن تانىپ وكىنىپ، زاڭسىز ولجانى بەلسەنە قايتارىپ، دەلوعا قاتىستى زاڭسىز اقشا، زاڭسىز ولجانىڭ كوپ ءبولىمى قايتارىلىپ الىنعان، بۇل زاڭدا بەلگىلەنگەن، جاعدايىنا قاراي جەڭىل جازالاۋعا بولاتىن جاعدايلار بولعاندىقتان، وعان ءولىم جازاسى بەرىلسە، دەرەۋ اتقارىلمايدى. سوت مەكەمەسى جوعارىداعىداي ۇكىم شىعاردى.

ۇعىسۋعا قاراعاندا، ي - چاڭ قالالىق ورتا دارەجەلى حالىق سوت مەكەمەسى 6 – ايدىڭ 26 - كۇنى بۇل دەلونى اشىق سوت اشىپ قاراعان. سوتتا پروكۋراتۋرا ورگانى قاتىستى دالەل - ىسپاتتاردى كورسەتتى، ايىپكەر ۋاڭ بو مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، ۋاڭ بو سوڭعى ءسوزىن سويلەدى سونداي - اق سوتتا قىلمىسىن تانىپ، رايىنان قايتقاندىعىن ءبىلدىردى. حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 30 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى