بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.15 14:59 كەلۋ قاينارى : حالىق تورابى
بىرەۋلەر اتا – انالار شوعىرىنا جاسىرىن كىرىپ الىپ، كلاس جەتەكشىسىنىڭ باس سۋرەتىمەن ۇقساس سۋرەتتى اۋىستىرىپ الىپ، اتا – انالاردان كودتى جايمالاۋ ارقىلى ماتەريال اقىسىن تاپسىرۋدى تالاپ ەتكەن. جۋىردا انحۇي ولكەسى حىفەي قالاسى ەكونوميكانى كوركەيتۋ رايونىنداعى بىرنەشە اتا – انا بىرەۋلەر كوڭىل قويا جوسپارلاعان ”كلاس شوعىرىندا“ اقى الۋ الدامكوستىگىنە ۇشىراعان.
ساقشى جاق جان – جاقتىلى تەكسەرۋ ارقىلى وكشەلەي سوققى بەرىپ، تەلەكوم مەن ينتەرنەتتەن پايدالانعان الدامكوستىك توپتىڭ دەلوعا قاتىستى 11 قىلمىس كۇماندىسىن تۇگەلدەي قولعا تۇسىرگەن.
9 – ايدىڭ 11 – كۇنى حىفي قالالىق قوعام حاۋىپسىزدىگى مەكەمەسى ەكونوميكانى كوركەيتۋ رايونىنداعى بولىمشە مەكەمەسى ساقشىعا مالىمدەۋ تەلەفونىن تاپسىرىپ الادى، تەلەفون بەرگەن ادامنىڭ ايتۋىنشا، بىرەۋ اتالعان ساقشى بولىمشەسىنىڭ باسقارۋىنداعى رايونداعى ءمالىم ورتا مەكتەپتىڭ كلاس جەتەكشىسى بولىپ الىپ، ونىڭ باس سۋرەتى مەن ۋيشيندەگى اتىن پايدالانىپ، كلاستىڭ شوعىرىندا اقى الۋ تۋرالى جالعان ۇقتىرۋ شىعارىپ، ”جاڭا وقۋشىلاردان 88 يۋاندىق ماتەريال اقىسى الىنادى“ دەپ جاريالاعان ءارى ەكى ولشەمدى كودى شوعىرعا جولداپ، الدامكوستىك ىستەگەن.
اتالعان شوعىر مەكتەپ قۇرعان رەسمي شوعىر بولعاندىقتان، ”كلاس جەتەكشىسى“ جولداعان سوزدەردىڭ شىن – جالعانىن پارىقتاماعان كەيبىر اتا – انالار كودتى جايمالاپ، اقشا تاپسىرعان.
ناعىز كلاس جەتەكشىسى بۇل جاعدايدى بايقاعان سوڭ دەرەۋ شوعىردا ەسكەرتۋ جاريالاعانىمەن، شوعىرداعى 7 اتا – انا الدانىپ، ءار بىرەۋى 88 يۋاننان اقى جولداعان.
ساقشىعا مالىمدەۋدى تاپسىرىپ العان سوڭ، ەكونوميكالىق كوركەيتۋ رايوندىق ساقشى بولىمشەسى دەرەۋ بارلاۋشى، ينتەرنەتتەگى اماندىق قورعاۋشى قاتارلى ساقشى كۇشتەرىن ۇيىمداستىرىپ، بىرلەسىپ بارلاۋ جۇرگىزگەن ءارى قىلمىس كۇماندىسىن تەز ارادا تۇراقتاندىرعان.
9 – ايدىڭ 25 – كۇنى دەلو ءبىتىرۋشى حالىق ساقشىلارى گۋاڭدۇڭعا بارىپ، سول جەردەگى ساقشى جاقتىڭ سايكەسۋىندە، اتالعان قىلمىستىق توپتى ءساتتى تالقانداپ، 11 قىلمىس كۇماندىسىن قولعا تۇسىرگەن.
قىلمىس كۇماندىسى لياڭ X يۇيدىڭ ايتۋىنشا، ولار الدىن الا باسقالاردان بىرنەشە تىركەلگىنى ساتىپ الىپ، ينتەرنەت ارقىلى جەر – جەردەگى كلاستاردىڭ شوعىرىن ىزدەپ تاۋىپ، اتا – انالاردىڭ اتىن جامىلىپ شوعىرعا كىرۋدى ءوتىنىش ەتكەن، شوعىرعا كىرگەن سوڭ تىركەلگىلەردىڭ بىرەۋىمەن كلاس جەتەكشىسىنىڭ بەينەسىنە ەنىپ، باس سۋرەتى مەن اتىن كلاس جەتەكشىسىمەن ۇقساس ەتىپ وزگەرتىپ، شوعىردا اقى الۋ تۋرالى ۇقتىرۋ جاريالاپ، وسى ارقىلى الدامكوستىك ىستەگەن، ەلىمىز بويىنشا بىرنەشە رەت الدامكوستىك دەلوسىن تۋدىرعان. ”كەيبىر شوعىرلاردىڭ باسقارۋشىلارى ماقۇل بولعاندا عانا شوعىرعا قوسىلۋعا بولادى، كەيبىر شوعىرلارعا توتە قوسىلۋعا بولادى، ءبىز ءبىر – بىرلەپ تالەيىمىزدى سىنايمىز“ دەيدى لياڭ X يۇي، ونىڭ ايتۋىنشا، 9 – ايدان بەرى ول جيىنى 8 رەت الدامكوستىك ىستەپ، 10 مىڭ يۋاننان استام اقشانى الداپ العان.
قازىر بۇل توپتاعى 10 قىلمىس كۇماندىسىنە قوعام حاۋىپسىزدىگى ورگاندارى زاڭ بويىنشا قىلمىستىق ىستەرگە بايلانىستى ماجبۇرلەۋ شاراسىن اتقارعان، دەلو قازىر ىشكەرىلەي تەكسەرىلۋدە.
كەلۋ قاينارى: حالىق تورابى
