شينجياڭ 3 ميلليارد يۋاننان استام جالپىعا ءتيىمدى يگىلىك مامىلەسىن تاراتتى 

انار بۇلت \ شينجياڭ گازەتىنىڭ حابارى (ءتىلشى ران حۋ حابارلايدى) جۋىقتا، شينجياڭ ۇيعۇر اۆتونوميالى رايوندىق حالىق ۇكىمەتى وقۋ – اعارتۋ، ەمدەۋ، قوعامدىق قامتاماسىزداندىرۋ قاتارلى سالالارداعى جالپىعا ءتيىمدى 10 ءتۇرلى حالىق تۇرمىسى ساياساتىن كۇش سالا شىعارىپ، زاڭ بويىنشا بەلگىلەمە شىعارۋ، جاپپاي تيىمدىلىك جاساۋ، تەپە - تەڭ بولۋ، دالمە - ءدال، جوعارى ءونىمدى بولۋ، اشىق، جاريا بولۋ، بۇقارا يگىلىككە كەنەلۋ پرينسيبى بويىنشا جاڭا تۋعان نارەستەلەر، مەكتەپكە دەيىنگى بالالار، جاسى ۇلعايعان قارتتار، قالا - اۋىلداعى قيىنشىلىعى بار ادامدار، جۇمىستانۋى قيىن ادامدار، اۋىل - قىستاق شيپاگەرلەرى، مىندەتتى اسكەرلەر، قامقورلىق جاسالاتىن وبيەكتىلەر مەن دەمالىسقا شىققاندارعا دەر كەزىندە 3 ميلليارد 90 ميلليون يۋان جالپىعا ءتيىمدى مامىلە تاراتىپ، 2 ميلليون 516 مىڭ مامىلەمەن قامتاماسىز ەتۋ وبيەكتىسىن يگىلىكتەندىردى.

شينجيڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى قارساڭىندا، دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزۋىن ىلگەرىلەتىپ، بۇقارا اسىعاتىن، قينالاتىن، ۋايىمدايتىن، كوكسەيتىن ماسەلەلەردى شەشىپ، قاتىستى ادامدار شوعىرىنىڭ مامىلەسىن قامتاماسىز ەتۋ ولشەمىن ورنىقتى جوعارىلاتۋ ءۇشىن، شينجياڭ ۇيعۇر اۆتونوميالى رايوندىق حالىق ۇكىمەتى قازىنا مەڭگەرمەسىن، وقۋ - اعارتۋ مەڭگەرمەسىن، حالىق ىستەرى مەڭگەرمەسىن، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىن، دەنساۋلىق ساقتاۋ جانە سالاماتتىق كوميتەتىن ۇيىمداستىرىپ، قوسىننان شەگىنگەن اسكەريلەر ىستەرى مەڭگەرمەسى، ەمدەۋدى قامتاماسىزداندىرۋ مەكەمەسى قاتارلى تاراۋلار «دامۋ جەتىستىكتەرىنەن حالىق تۇرمىسىنا تيىمدىلىك جاساۋدى ىلگەرىلەتۋ جونىندەگى ساياساتتىق شارالاردى» اقىلداسىپ دايىندادى.

قۇجات شينجياڭ ۇيعۇر اۆتونوميالى رايوندىق پارتكوم تۇراقتى كوميتەتىنىڭ ماجىلىسىندە قاراپ ماقۇلدانعاننان كەيىن، شينجياڭ ۇيعۇر اۆتونوميالى رايوندىق قازىنا مەڭگەرمەسى دەرەۋ شينجياڭ ۇيعۇر اۆتونوميالى رايونىنىڭ قاتىستى تاراۋلارىمەن سايكەسىپ، ساياساتتىق قۇجاتتاردى تاراتۋدى ، مەجە ەسەپ كورسەتكىشىن ءبولۋ، جەتكىزۋ قىزمەتىن ورىنداپ، ايماقتىق، اۋداندىق قازىنا تاراۋلارىنىڭ مامىلە جاساۋ، تاراتۋ دايىندىق قىزمەتىن ويداعىداي ىستەۋىنە جەتەكشىلىك ەتتى. سونىمەن بىرگە، شينجياڭ ۇيعۇر اۆتونوميالى رايوندىق قازىنا مەڭگەرمەسى شينجياڭ ۇيعۇر اۆتونوميالى رايونىنداعى جاۋاپتى ورىندارمەن بەلسەنە سايكەسىپ، ايماقتىق، اۋداندىق كاسىپتىك باسقارۋشى تاراۋلاردىڭ مامىلە تاراتۋ تىزىمدىگىن الدىن الا بەلگىلەۋىنە جەتەكشىلىك ەتىپ، حالىق تۇرمىسىنا تيىمدىلىك جاساۋ، اۋىل شارۋاشىلىعىنا تيىمدىلىك جاساۋ ”ءبىر كارتچكاسى“ ارقىلى تاراتۋعا تيىستىلەرىن ايماق، اۋدانداردىڭ دەر كەزىندە تاراتۋ جۇيەسىنە ەنگىزۋىنە قۋزاۋشىلىق ەتتى؛ تەكسەرىپ بولعان سوڭ تاراتۋعا ءتيىستى بولعاندارىنا تەكسەرۋ تەرەزەسىن الدىن الا اشىپ، كۇدىك – كۇمانعا ىرىقتى تۇردە جاۋاپ قايتاردى.

شينجياڭ ۇيعۇر اۆتونوميالى رايوندىق قازىنا مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى ليۋ حايياننىڭ تانىستىرۋىنا قاراعاندا، قازىرگە دەيىن شينجياڭ ۇيعۇر اۆتونوميالى رايوندىق قازىنا مەڭگەرمەسى جەر ـ جەرگە ارناۋلى قارجى بوساتىپ، جالپىعا ءتيىمدى مامىلە قارجىلارىنىڭ تولىق تاراتىلۋىنا كەپىلدىك ەتىپ، قازىنالىق قارجىنىڭ حالىق تۇرمىسىنا اناعۇرلىم جاقسى تيىمدىلىك جاساۋىنا، حالىقتىڭ مۇڭ ـ مۇقتاجىن شەشۋىنە، حالىق جۇرەگىن جىلىتۋىنا مۇمكىندىك جاسادى، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.

كەلۋ قاينارى: حالىق تورابى