بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.17 15:18 كەلۋ قاينارى : حالىق تورابى
بيىل 7 – ايدىڭ سوڭىندا، گۋاڭشي جۋاڭزۋ اۆتونوميالى رايونى حىجوۋ قالالىق باۋ – باقشانى جاسىلداندىرۋدى باسقارۋ ورتالىعىنىڭ قىزمەتكەرلەرى بابۋ رايونى شيننيڭ كوشەسىندەگى ءبىر ءتۇپ 220 جىل جاساعان دەپ بەلگى ىلىنگەن بايىرعى كامفورا اعاشىندا قالىپسىزدىق تۋىلعانىن بايقايدى. بايىرعى اعاشتىڭ ءبىر قاپتالىنىڭ بۇتاعى مەن جاپىراعى كورنەكتى سارعايىپ، قاتەر ۇستىندە قالعان. جىنتىكتەي تەكسەرۋ ارقىلى قىزمەتكەرلەر اعاش ءتۇبىنىڭ ماڭىنا سالىنعان سۋ وتكىزىپ، گاز ىعىستىراتىن تەسىكتىڭ ىشىندە تىتىركەندىرەتىن ءيىستى كوپ مولشەردەگى كۇماندى زاتتىڭ بار ەكەنىن بايقايدى.
باۋ – باقشا تاراۋلارى ىلە – شالا بۇل جاعدايدى جەرگىلىكتى قوعام حاۋىپسىزدىگى تاراۋلارىنا اڭىس ەتەدى، ساقشى جاق دەرەۋ دەلو تۇرعىزىپ تەكسەرۋ جۇرگىزىپ، ەڭ سوڭىندا قىلمىس كۇماندىسى زىڭ X تى تۇراقتاندىرادى.
دەلو انىقتالعان سوڭ زىڭ X تىڭ بايانداۋىنشا، بۇل بايىرعى كامفورا اعاشىنىڭ جاپىراعى ۇيىنە تۇسەتىن جارىقتى توسىپ قالعاندىقتان، بۇل اعاشتىڭ ”كوزىن جويۋدى“ ويلاعان. ول ىلگەرىندى – كەيىندى اۋىل شارۋاشىلىعى قۇرال – جابدىقتارى دۇكەندەرىنەن، ينتەرنەتتەگى ەلەكتروندىق ساۋدا تەكشەلەرىنەن حەكسازينون ۋلى زاتىن (”اعاش جويعىش“، ”تامىر شىرىتكىش“ دەگەن اتتارى بار) ساتىپ العان. بايقالىپ قالۋدان ساقتانۋ ءۇشىن، زىڭ X ۋلى زاتتى بايىرعى اعاشتىڭ تامىرىنا سۋ جىبەرىپ، گازدى ىعىستراتىن تەسىكتەن تالاي رەت قۇيىپ، تامىرىن ۋلاۋ ارقىلى بايىرعى اعاش وزدىگىنەن قۋراپ كەتكەندەي اسەر قالدىرۋدى ماقسات ەتكەن.
قازىر زىڭ X كە زاڭ بويىنشا قىلمىستىق ىستەرگە ساي ماجبۇرلەۋ شاراسى اتقارىلعان، دەلو قازىر ىشكەرىلەي تەكسەرىلۋدە.
كەلۋ قاينارى: حالىق تورابى
