جۇڭگو تەڭىز ساقشىلارى مەڭگەرمەسىنىڭ مالىمدەمەشىسى فيليپپيننىڭ بارلاۋشى ۇشاعىنىڭ ەلىمىزدىڭ حۋاڭيان ارالىنىڭ كەڭىستىگىنە زاڭسىز باسا كوكتەي كىرگەنى جونىندە ءسوز جاريالادى 

جۇڭگو تەڭىز ساقشىلارى مەڭگەرمەسىنىڭ مالىمدەمەشىسى ليۋ دىجۇننىڭ ايتۋىنشا، 10 – ايدىڭ 16 – كۇنى، فيليپپيننىڭ 2 بارلاۋشى ۇشاعى جۇڭگونىڭ حۋاڭيان ارالىنىڭ كەڭىستىگىنە زاڭسىز سۇعاناقتىق جاساعان، جۇڭگو تەڭىز ساقشىلارى زاڭ – تۇزىمگە ساي وكشەلەي باقىلاپ، باسقارۋ – تەجەۋ شارالارىن قولدانىپ قۋالاعان. جۋىردا فيليپپين ءتۇرلى قيسىنسىز سىلتاۋلارمەن ۇشاقتارىن حۋاڭيان ارالىنىڭ ماڭىنداعى تەڭىز الابىنا ءجيى جىبەرىپ، پالە شىعارىپ، سوقتىعىپ، جۇڭگونىڭ يەلىك ۇقىعىنا اۋىر دارەجەدە سۇعاناقتىق جاساپ، ءوڭىردىڭ بەيبىتشىلىگى مەن ورنىقتىلىعىن ءبۇلدىردى. ءبىز فيليپپين جاققا ۇقىققا قول سۇققان ارانداتۋ مەن جەلىكتىرۋ – دابىرالاۋ ارەكەتىن دەرەۋ توقتاتۋدى قاتاڭ ەسكەرتتىك. حۋاڭيان ارالى — ەجەلدەن بەرى جۇڭگونىڭ تەرريتورياسى. جۇڭگو تەڭىز ساقشىلارى جۇڭگونىڭ باسقارۋىنداعى تەڭىز الابىندا ۇقىقتى قورعاپ، زاڭ اتقارۋ قيمىلدارىن زاڭ بويىنشا ۇزدىكسىز ورىستەتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.

كەلۋ قاينارى: حالىق تورابى