سوت مەكەمەسى ۇلىنىڭ شەشەسىن ياناتتاۋى وتباسى زورلىق - زومبىلىعىنا جاتادى دەپ كەسىم جاسادى

جاسى 80 گە تاياعان جاڭ اجەيدى ۇلى لي x ۇنەمى ياناتتايدى، ءتىپتى ۇلى وعان قول دا جۇمساعان. جاڭ اجەي امالسىزدان سوت مەكەمەسىنە باس اماندىعىن قورعاۋ بۇيرىعىن ءتۇسىرۋدى ءوتىنىش ەتەدى. بەيجيڭ قالاسى باتىس قالا رايوندىق حالىق سوت مەكەمەسى جۋىردا بۇل دەلونى حابارلاندىرىپ، لي x تىڭ جاڭ اجەيگە وتباسى زورلىق - زومبىلىق ىستەۋىنە تيىم سالۋ، لي x تىڭ جاڭ اجەيدىڭ مال - مۇلكىن بۇلدىرۋىنە تيىم سالۋ جونىندە كەسىم جاسادى.

جاڭ اجەيدىڭ ايتۋىنشا، ۇلى قابىلەتىنەن ايىرىلعان اكەسىنە قارايلاسۋدى سىلتاۋ ەتىپ، ۇزاق ۋاقىت ونىڭ ۇيىندە تۇرادى ءارى جۇبايىنىڭ زەينەتاقىسىن سۇرايدى. ۇلى ۇنەمى جوقتان وزگەنى سىلتاۋراتىپ ياناتتايدى، قۇقاي كورسەتەدى، ءتىپتى قول جۇمسايدى. جاڭ اجەي 20 نەشە رەت ساقشىعا مالىمدەگەن، ساقشىلار لي x كە قايتا - قايتا تاربيە بەرىپ ەسكەرتسە دە جاراستىرۋدان ناتيجە شىقپايدى. جاڭ اجەي ەڭ سوڭىندا باتىس قالا رايوندىق حالىق سوت مەكەمەسىنە باس اماندىعىن قورعاۋ بۇيرىعىن ءتۇسىرۋدى ءوتىنىش ەتەدى.

سوت مەكەمەسى تەكسەرۋ ارقىلى بىلاي دەپ قارايدى: لي x پەن جاڭ اجەي اراسىندا وتباسى قايشىلىعى سەبەبىنەن داۋ - شار تۋىلادى، لي x كوڭىل كۇيى تولقىعان كەزدە تەلەفونىن شاعىپ تاستاپ، جاڭ اجەيمەن قاقتىعىسپ قالادى، ادەپسىز ءسوز سويلەۋ جانە ءۇيدىڭ ەسىگىن بۇزۋ ارەكەتى بار، اۋىر زارداپ تۋدىرماعانىمەن، جاڭ اجەي وتباسى زورلىق - زومبىلىعىنا تاپ بولىپ وتىر. سوندىقتان لي x تىڭ جاڭ اجەيگە وتباسى زورلىق - زومبىلىعىن ىستەۋىنە تيىم سالۋ جونىندە كەسىم جاسالادى؛ لي x تىڭ جاڭ اجەيدىڭ مال - مۇلكىن بۇلدىرۋىنە تيىم سالىنادى.

سۋديانىڭ ەسكەرتۋىنشە، «جۇڭحۋا حالىق رەسپۋبليكاسىنىڭ وتباسى زورلىق - زومبىلىعىنا قارسى تۇرۋ زاڭىنداعى» بەلگىلەمەگە ساي، وتباسى زورلىق – زومبىلىعى دەپ وتباسى مۇشەلەرى اراسىنداعى ۇرىپ - سوعۋ، بايلاپ - ماتاۋ، زاقىمداۋ، باس بوستاندىعىنا شەك قويۋ، سونداي - اق ۇنەمى ياناتتاۋ، قورقىتۋ قاتارلى تاسىلدەر ارقىلى ءتان جانە رۋحاني جاقتان زالال جەتكىزۋ ارەكەتى ايتىلادى. ياناتتاۋ سىندى پسيحيكالىق ازاپتاۋدىڭ ءتاسىلى ۇنەمى تۋىلسا وتباسى زورلىق - زومبىلىعى ارەكەتىنە دە جاتادى.

باس اماندىعىن قورعاۋ بۇيرىعى ءبىر ءتۇرلى ازاماتتىق ىستەر ماجبۇرلەۋ شاراسى، وتباسى زورلىق - زومبىلىعىنان زيانعا ۇشىراۋشىنىڭ جانە ونىڭ ەرەكشە بەلگىلەنگەن تۋىستارىنىڭ باس اماندىعىن قورعاپ، وتباسى زورلىق - زومبىلىعىنىڭ جالعاستى تۋىلۋىنان ساقتانۋ ءۇشىن، ءوتىنىش ەتۋشىنىڭ وتىنىشىنە ساي، سوت مەكەمەسىنىڭ زورلىقتى كۇشكە يە شىعارعان زاڭدىق قۇجاتى.

كەلۋ قاينارى: حالىق تورابى