جۇقپالى تۇماۋ تارالۋ مەزگىلىنە ءوتتى! شينجياڭنىڭ ىندەتتەن ساقتانۋ – تىزگىندەۋ ورتالىعى ماسكى تاعۋ، ۆاكسينا قويۋ — قورعانۋدىڭ تەتىگى دەگەندى ەسكەرتتى

10 - ايدىڭ 21 – كۇنى، شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى سالاماتتىق ەسكەرتۋىن جاريالادى، جۇقپالى تۇماۋدىڭ تارالۋ مەزگىلىنە وتۋىنە ىلەسە، ونىڭ ۇستىنە تاياۋ مەزگىلدە قار جاۋىپ، تەمپەراتۋرانىڭ تومەندەۋىنە بايلانىستى، بۇكىل شينجياڭدا جۇقپالى تۇماۋدىڭ تارالۋ قاتەرى ونان ارى ارتۋى مۇمكىن.

مەجەمەن الداعى 2 اپتادا بۇكىل شينجياڭدا جۇقپالى تۇماۋدىڭ جالپى بەتتىك ارتۋ جاعدايى جارىققا شىعادى. بۇقارانىڭ جۇقپالى تۇماۋ ۆاكسيناسىن ەرتەرەك ەككىزىپ، جابىق نەمەسە اۋا الماسۋى ناشار الەۋمەتتىك ورىندارعا بارعاندا، سونداي - اق الەۋمەتتىك قاتىناس قۇرالدارىنا وتىرعاندا، شيپاگەرلىكتە قولدانىلاتىن سىرتقى اۋرۋلار ءبولىمىنىڭ ماسكىسىن جۇيەلى تاعۋىن ۇسىنىس ەتتى.

شينجياڭ ۇيعۇر اۆتونوميالى رايوندىق اۋرۋدان ساقتانۋ جانە تىزگىندەۋ ورتالىعى شۇعىل حارەكترلى جۇقپالى اۋرۋدان ساقتانۋ جانە ونى ەمدەۋ ورنىنىڭ ورىنباسار مەڭگەرۋشىسى گاۋ جىنگو بىلاي دەپ تانىستىردى: جۇقپالى تۇماۋدان پايدا بولاتىن اۋرۋ بەلگىلەرى نەگىزىنەن قىزۋ، جوتەلۋ، جۇتقىنشاق اۋىرۋ، تۇلا بويى قاقساۋ، دارمەنسىزدەنۋ جانە باس اۋرۋ قاتارلىلاردى قامتيدى، ەگەر تۇتقيىل قاتتى قىزۋ، تۇلا بويى قاقساۋ نەمەسە كورنەكتى باس اۋرۋ قاتارلى اۋرۋ بەلگىلەرى بايقالسا، جۇقپالى تۇماۋدان بارىنشا قىراعى بولىپ، دەر كەزىندە ەمدەلۋ ءارى جۇيەلى ەمدەلۋ كەرەك.

جۇقپالى تۇماۋ ۆاكسيناسىن ەگۋ قازىرگى جۇقپالى تۇماۋدىڭ جانە ونىڭ سالماقتى اۋرۋىنان ساقتانۋدىڭ ەڭ ءونىمدى شاراسى. كەزەكتە ەلىمىز بازارعا سالۋدى بەكىتكەن جۇقپالى تۇماۋ ۆاكسيناسى نەگىزىنەن ءۇش ۆالەنتتى قۋاتسىزداندىرىلعان ۆاكسينا، ءتورت ۆالەنتتى قۋاتسىزداندىرىلعان ۆاكسينا جانە ءۇش ۆالەنتتى ۋىتى ازايتىلعان ۆاكسينانى قامتيدى. مۇنىڭ ىشىندە قۋاتسىزداندىرىلعان ۆاكسيناعا بۇلشىق ەتتەن قويۋ ءتاسىلى قولدانىلادى، ۋىتى ازايتىلعان ۆاكسيناعا مۇرىن ىشىنە بۇركۋ ءادىسى قولدانىلادى.

كەلۋ قاينارى: حالىق تورابى