تۋىت قوسىمشا قاراجاتى قانداي ولشەم بويىنشا تاراتىلادى؟ شامامەن قانشا قوسىمشا قاراجات الۋعا بولادى؟ وسى ماقالادان ۇعىپ الىڭىز 

ورتالىق تەلەۆيزيا تورابى: تۋىت قوسىمشا قاراجاتى قانداي ولشەم بويىنشا تاراتىلادى؟ شامامەن قانشا قوسىمشا قاراجات الۋعا بولادى؟ تۋىت قوسىمشا قاراجاتىن العاندارعا قىزمەت ورنى تۋىت دەمالىسى كەزىندەگى ەڭبەكاقىسىن دا بەرە مە؟

تۋىت قوسىمشا قاراجاتى جۇمىسشى – قىزمەتكەرلەردىڭ جۇمىس ورنىنىڭ ءبىر جىل بۇرىنعى جۇمىسشى – قىزمەتكەرلەردىڭ ورتاشا ەڭبەكاقىسى بويىنشا ەسەپتەپ تاراتىلادى، جەكەلەر تابىس باجىسى الىنبايدى. تۋىت قوسىمشا قاراجاتى = (قامسىزداندىرۋعا قاتىناسقان جۇمىسشى – قىزمەتكەر جۇكتىلىكتى اياقتاتقان ايداعى ادام ىستەتۋشى ورىن تاپسىرعان ورتاشا ەڭبەكاقى ÷ 30 كۇن) × تۋىت دەمالىسىنىڭ كۇن سانى. جالپى جاقتان ايتقاندا، بوسانعان ايەل جۇمىسشى – قىزمەتكەردىڭ جاسى كىشىلەۋ بولسا، جۇمىسقا ورنالاسقان ۋاقىتى ءبىرشاما قىسقا بولسا، ادەتتە ول جۇمىس ىستەگەن ورىننىڭ ورتاشا ەڭبەكاقىسى ونىڭ ەڭبەكاقىسىنان جوعارى بولاتىندىقتان، مۇندايدا ايەل جۇمىسشى – قىزمەتكەردىڭ الاتىن تۋىت قوسىمشا قاراجاتى ونىڭ ءوزىنىڭ ەڭبەكاقىسىنان جوعارى بولادى.

تۋىت قوسىمشا قاراجاتىن العاندارعا، جۇمىس ورنى تۋىت دەمالىسى كەزىندەگى ەڭبەكاقىسىن دا تاراتۋى قاجەت پە؟

ەگەر ايەل جۇمىسشى – قىزمەتكەر تۋىت دەمالىسىن العان كەزدە تۋىت قوسىمشا قاراجاتى، ەمدەۋ قوسىمشا قاراجاتى قاتارلىلاردان يگىلىكتەنگەن، تۋىت قوسىمشا قاراجاتى جۇمىسشى – قىزمەتكەرلەردىڭ ورتاشا ەڭبەكاقىسىنان جوعارى بولعان بولسا، وندا كاسىپورىن وعان تۋىت دەمالىسى مەزگىلىندە ەڭبەكاقى تاراتپايدى؛ ورتاشا ەڭبەكاقىدان تومەن بولسا، وندا سەرىكتەستىك پارىقتى بولىگىن تولىقتاپ بەرۋى كەرەك. ەگەر كاسىپورىن جۇمىسشى – قىزمەتكەردىڭ تۋىت قامسىزداندىرۋىن تاپسىرماعان بولسا، جۇمىسشى – قىزمەتكەردىڭ كاسىپورىننان تۋىت مەزگىلىندەگى ەڭبەكاقىنى تاراتۋدى تالاپ ەتۋىنە بولادى.

ۇيلەنبەي تۇرىپ بالالى بولسا، تۋىت قوسىمشا قاراجاتىنان يگىلىكتەنە مە؟

ايەلدەردىڭ تۋىت دەمالىسى زاڭدا بەلگىلەنگەن، تەك بوسانعانى شىن بولسا، مەملەكەتتىڭ زاڭىندا بەلگىلەنگەن 98 كۇندىك تۋىت دەمالىسى مەن سايكەستى تۋىت قوسىمشا قاراجاتىنان يگىلىكتەنۋى كەرەك. ايەل جۇمىسشى – قىزمەتكەر ۇيلەنبەي تۇرىپ تۇسىك تاستاسا دا، 15 كۇننەن 42 كۇنگە دەيىنگى ارالىقتا تۇسىك تاستاۋ دەمالىسىنان يگىلىكتەنەدى ءارى تۋىت دەمالىسى مەزگىلىندەگى ەڭبەكاقىنى الادى.

يكەمدى جۇمىستانعانداردىڭ دا تۋىت قامسىزداندىرۋىنا قاتىناسۋىنا بولا ما؟

بۇرىن تۋىت دەمالىسى كاسىپورىندارداعى جۇمىسشى – قىزمەتكەرلەردى عانا قامتيتىن، قازىر بۇل كولەم كەڭەيدى، يكەمدى جۇمىستانعاندار، شارۋا جۇمىسكەرلەر، جاڭا جۇمىس كۇيىندەگىلەر دە قامتاماسىزداندىرۋ كولەمىنە ەنگىزىلگەن. مىسالى، شاڭحاي قالاسىندا يكەمدى جۇمىستانعانداردىڭ قازىرگى اقى مولشەرى بويىنشا جۇمىسشى – قىزمەتكەرلەردىڭ نەگىزدىك ەمدەۋ قامسىزداندىرۋىنا قاتىناسۋىنا بولادى دەپ بەلگىلەنگەن، مۇنىڭ ىشىندە %1 ى تۋىت قامسىزداندىرۋىنىڭ قاراجاتى دەپ قارالادى.

كەلۋ قاينارى: حالىق تورابى