بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.27 14:43 كەلۋ قاينارى : حالىق تورابى
10 – ايدىڭ 15 – كۇنى تاڭ سارىدە، شينجياڭ سانجى قالالىق قوعام حاۋىپسىزدىگى مەكەمەسى جيانگولۋ ءمالى باسقارماسى ساقشى بولىمشەسى ورتالىق ساۋدا رايونى حالىققا قولايلى ساقشى قىزمەتى پۋنكتىنىڭ حالىق ساقشىلارى قاراماعىنداعى ءمالىم اۆتوموبيل توقتاتۋ الاڭىندا تەكسەرۋ جۇرگىزگەن كەزدە، ءبىر وتباسىلىق اۆتوموبيلدىڭ ەسىگىنىڭ جابىلماعانىن بايقايدى.
حالىق ساقشىلارى اۆتوموبيلدىڭ ەسىگىن اشىپ، جاعدايدى ەستەلىككە الۋ بارىسىندا، اۆتوموبيلدىڭ ارتقى قاتارداعى ورىندىعىنا ەكى بۋما اقشا قويىلعانىن بايقايدى، ساناپ كورگەندە 400 مىڭ يۋاننان استام اقشا بولىپ شىعادى. شوفەر اۆتوموبيلگە تەلەفون ءنومىرىن قالدىرماعاندىقتان، حالىق ساقشىلارى دەرەۋ ناق اقشانى الىپ، ساقشى ىستەرى پۋنكتىنە اكەلىپ ساقتاپ قويادى ءارى وسى ءىس پەن اۆتوموبيلدىڭ جاعدايىن ساقشى بولىمشەسىنە مالىمدەيدى.
اۆتوموبيلدىڭ يەسىن انىقتاعان سوڭ، حالىق ساقشىلارى وعان تەلەفون جالعايدى. ۇيىندە شىرت ۇيقىدا جاتقان شوفەر اۆتوموبيلدى قۇلىپتاماي كەتكەنىن مۇلدە ويلاماعان بولاتىن.
اۆتوموبيل يەسى دەرەۋ ساقشى ىستەرى پۋنكتىنە بارىپ، حالىق ساقشىلارىنىڭ كۋا بولۋىندا اقشاسىن ساناپ، 420 مىڭ يۋان اقشاسىنىڭ ءبىر تيىن كەمىمەگەنىن تۇراقتاندىرعان. ول حالىق ساقشىلارىنىڭ قولىن ۇستاپ، اسەرلەنگەن تۇردە: ”بۇل ەڭبەكاقى تاراتۋعا دايىنداعان اقشا بولاتىن، ەگەر جوعالىپ كەتسە قايتەر ەدىم!“ دەدى.
حالىق ساقشىلارى ىلە – شالا اۆتوموبيل يەسىنە حاۋىپسىزدىك، ساقتىق تۋرالى تاربيە بەرىپ، اۆتوموبيلدەن الىستاعان كەزدە، اۆتوموبيلدىڭ ەسىك – تەرەزەسىن ويداعىداي قۇلىپتاۋدى، باعالى بۇيىمداردى اۆتوموبيلدىڭ ىشىنە قويماۋدى ەسكەرتتى.
10 – ايدىڭ 16 – كۇنى، اۆتوموبيل يەسى ”حالىق ساقشىلارى حالىق ءۇشىن قىزمەت ىستەدى، شىن ىقىلاستارى جان تەبىرەنتەدى“ دەگەن جازۋ جازىلعان سيلىق جالاۋشانى ارنايى ساقشى قىزمەتى پۋنكتىنە اكەلىپ تابىستاپ، حالىق ساقشىلارىنا تاعى دا راقىمەتىن ءبىلدىردى. (انار بۇلت \ شينجياڭ زاڭمەن جونگە سالۋ گازەتىنىڭ ءتىلشىسى لي جينفۋ)
كەلۋ قاينارى: حالىق تورابى
