فينلانديانىڭ زەرتتەۋىنە قاراعاندا ءار كۇنى كەشتە 7 دە 9 ساعات ۇيىقتاعاندار جاقسى ارىقتاعان

شينحۋا اگەنتتىگىنىڭ 10 – ايدىڭ 27 - كۇنى حەلسينكيدەن بەرگەن حابارى. فينلانديانىڭ ەرەسەك ادامداردىڭ سالماعىن جەڭىلدەتۋ جونىندەگى جاڭا زەرتتەۋىندە كورسەتىلۋىنشە، ۇيقىنىڭ ساپاسى دەنە سالماعىن باسقارۋمەن تىعىز بايلانىستى، تۇندە ۇيىقتاۋ ۋاقىتىنىڭ ۇزاق بولۋى، كۇندىز بەن ءتۇننىڭ ريتىمىنىڭ دۇرىس بولۋى جانە كۇندىزگى سەرگەكتىك ادامداردىڭ سالماعىن جەڭىلدەتۋ ونىمدىلىگىنە كورنەكتى ىقپال جاسايدى. ءار كۇنى كەشتە 7 دە 9 ساعات ۇيىقتاعانداردىڭ ارىقتاۋ بەينەسى ەڭ جاقسى بولادى.

فينلانديا حەلسينكي داشۋەسى قاتارلى ورگانداردىڭ زەرتتەۋشىلەرى جاقىندا «سەمىزدىك مەديتسيناسى» عىلىمي جۋرنالىندا ماقالا جاريالاپ، فينلانديانىڭ ”سالماق باسقارۋ ءۇيىنىڭ“ اقاۋسىز ارىقتاۋعا جەتەكشىلىك ەتۋ ءتۇرى بويىنشا زەرتتەۋ جۇرگىزگەن 1800 دەن استام ازامات جاسىنا تولعانداردىڭ جاعدايىن تانىستىردى، بۇل ادامداردىڭ ءبىر جىل ۋاقىتپەن تۇرمىس تاسىلىنە وزگەرىس جاساۋ بارىسىندا، دەنە سالماعىنىڭ وزگەرىسى، سونداي – اق ۇيىقتاۋ ۋاقىتىنىڭ ۇزىن – قىسقالىعى، كۇندىز بەن ءتۇن ريتىمى، كۇندىز سەرگەك بولۋ جاعدايى، ۇيقى تىنىسىنىڭ ۋاقىتشا توقتاۋ جاعدايى قاتارلى ساندى مالىمەتتەردى ەستەلىككە العان.

تالداۋ جاساۋ ارقىلى ۇيقى دەنە سالماعىن باسقارۋدىڭ شەشۋشى بۋىنى ەكەندىگىن بايقاعان. ءار كۇنى كەشكى ۇيقىنىڭ 7 ساعاتقا جەتپەۋى ارىقتاۋ ونىمدىلىگىنىڭ ناشار بولۋىمەن قاتىستى بولعان، ال ءار كەشتە 7 دە 9 ساعات ۇيىقتاعانداردىڭ ارىقتاۋى ەڭ ءساتتى بولعان. بۇدان سىرت، ەرتە جاتىپ، ەرتە تۇرعان ادامداردىڭ ورتاشا سالماعىن جەڭىلدەتۋ ءونىمى جاي ۇيىقتاپ، جاي تۇراتىنداردان جاقسى بولعان، ۇيقى تىنىسىنىڭ ۋاقىتشا توقتاۋ جاعدايى بار ادامداردىڭ سالماعى باياۋ جەڭىلدەيدى، كۇندىز قايراتى مىعىم، سەرگەك ادامداردىڭ ارىقتاۋ ونىمدىلىگى ءتىپتى دە كورنەكتى بولادى.

بۇدان سىرت، بۇل زەرتتەۋدە تاعى دا تۇرمىس تاسىلىنە وزگەرىس جاساۋ دەنە سالماعىن باسقارۋعا ءونىمدى قولداۋ كورسەتەتىندىگىن بايقاعان.

كەلۋ قاينارى: حالىق تورابى