جاڭادان وزگەرىس ەنگىزىلگەن ورتانى قورعاۋ باجىسى زاڭى ۇشپالى ورگانيكالىق زاتتاردان باجى الۋ كولەمىن كەڭەيتتى

14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 18 – رەتكى ءماجىلىسى 10 – ايدىڭ 28 - كۇنى ورتانى قورعاۋ باجىسى زاڭىنا وزگەرىس ەنگىزۋ جونىندەگى قاۋلىنى داۋىسقا سالىپ ماقۇلدادى ءارى جاريالانعان كۇننەن باستاپ اتقارىلادى.

وزگەرىس ەنگىزىلگەننەن كەيىنگى ورتانى قورعاۋ باجىسى زاڭىنا جاڭادان ءبىر تارماق قوسىلدى، نەگىزگى مازمۇنى مىناداي: مەملەكەتتىك كەڭەس حالىق شارۋاشىلىعى مەن الەۋمەتتىك دامۋدىڭ جانە ورتانى قورعاۋدىڭ قاجەتىنە ساي، ورتاعا زات شىعارۋ زاڭىنىڭ قوسىمشاسىنداعى «باجى الىناتىن لاس زاتتار مەن بالاما ماندەر كەستەسىندە» بەلگىلەنگەننەن باسقا، ۇشپالى ورگانيكالىق زاتتاردى شىعاراتىن كاسىپورىندار، ءىسورىندار جانە باسقا دا وندىرىسپەن، تيجاراتپەن شۇعىلدانۋشىلار جونىنەن ورتانى قورعاۋ باجىسىن الۋدى تۇيىندە سىناق ەتۋ قىزمەتىن ورىستەتەدى. تۇيىندە سىناق ەتۋ ءادىسىن مەملەكەتتىك كەڭەس جاساپ، مەملەكەتتىك حالىق قۇرىلتايى تۇراقتى كوميتەتىنە جولداپ ەستەلىككە الدىرادى.

ۇشپالى ورگانيكالىق زاتتار ۇساق تۇيىرشىكتەر (PM2.5) مەن وزوننىڭ قالىپتاسۋىنىڭ ماڭىزدى قاينارى بولىپ، شاڭ - توزاڭ، فوتو حيميالىق ىس – تۇتەك قاتارلى اتموسفەرالىق ورتا ماسەلەلەرىن تۋدىرادى. قازىر تەكسەرۋگە بولاتىن ۇشپالى ورگانيكالىق زاتتار 300 تۇردەن استى. 2016 - جىلى ورتانى قورعاۋ باجىسى زاڭىن جاساعان كەزدە، بۇرىن لاس زات شىعارۋ اقىسى الىناتىن بەنزول، فورمالدەگيد قاتارلى 18 ءتۇرلى ۇشپالى ورگانيكالىق زاتتى ورتانى قورعاۋ باجىسىن الۋعا وزگەرتكەن.

جاڭادان وزگەرىس ەنگىزىلگەن ورتانى قورعاۋ باجىسى زاڭىندا ۇشپالى ورگانيكالىق زاتتاردان باجى الۋ كولەمىن كەڭەيتۋ — ۇشپالى ورگانيكالىق زاتتاردى جونگە سالۋدى اناعۇرلىم كۇشەيتىپ، اۋا ساپاسىن جاقسارتىپ، ەكولوگيالىق ورتانى قورعاۋدى كۇشەيتۋگە ءتيىمدى.

كەلۋ قاينارى: حالىق تورابى